純呻 經一事長一智亦見人心 - angel.W的日誌 - Baby Kingdom - 親子王國 香港 討論區

純呻 經一事長一智亦見人心

熱度 1已有 197 次閱讀 18-10-16 13:34

今年同家姐一齊有咗,佢預產期十月,我出年一月, 本來都是開心事。

每一個孕婦都有情緒波動嘅時候,而我七月時同老公及男家發生咗啲問題,

所以嗰排我有少少抑鬱同埋唔開心。我家姐就話自己好自豪可以同奶奶食飯/行街/傾心事,

話我點解可以做熄婦可以做到咁勞氣,我話每個奶奶都唔同人,你奶奶好相處好和諧,

唔代表其他人既奶奶都係,話我「咁大個人自己情緒都管理唔到係咪傻㗎!」

所以我都同家姐嘈交,之後幾日後我都有同佢道歉,佢已讀不回。

到八月頭我回我爸爸屋企,因為我未嫁果時我係同家姐同佢男友,同埋呀爸一齊住,

(就算嫁咗我有時都會返去訓到兩晚,因為我老公要返夜無人陪我)

我打算返去拎返啲個人物品,但係比我睇到嘅係我間房,床,衣櫃,書櫃,

已經比我家姐拆哂,剩低既係我一袋二嘅雜物(求其塞哂入去),亂到不堪。

其實佢想要一間BB房,可以同我講聲,我會讓返出嚟,我會自己執走晒啲嘢,

畀間房你,而且我嫁咗出去我都冇諗過要死霸住間房,我只係覺得禮貌上通知一聲都好,

無人講過一聲就執走哂我啲嘢,我爸爸話好耐之前同我講過會讓返間房,

以為我已經有心理準備,但係幾耐之前講我已經唔記得咗,加上自己果邊有好多問題發生,

但係我認為執走/丢人哋物品之前係咪應該都講聲, 我自己返嚟執,我家姐應我一句:「你算吧啦!」

講到唔執都執咗啦,你嘈咩啫!仲覺得自己好啱。我都算。


而且之前都同家姐道咗歉,唔需要做到咁囉... 屋企成千呎,五個房,其中一間是爸爸,四間房都佔用哂,其實有冇覺得有點唔好意思(一間佢同佢老公睡房,一間佢衣務間,一間係晾衫,最後我果間都拆咗做佢BB房)。

幾個親戚問我:「乜佢唔係生完返佢奶奶度湊咩?」當時吹到奶奶對佢好,所以我都唔知點答親戚。


到佢十月入醫院過咗預產期等生,我叫我老公同我妹問候一下佢(佢不睇我whatsapp), 因為我知生仔好辛苦,

我老公就問佢咩進展,同邊個病房佢都有答,之後話同我去買野去探佢時就say no! 


之後仲叫我爸轉述,叫我地唔好去探話佢中午生,咁我地就唔去啦。到咗第二日早上收到佢生咗既消息,我媽同我妹妹下午去醫院探我家姐同BB,第二日早上我主動whatsapp我家姐幾時出院我同我老公去探佢, 都係唔覆,之後我WhatsApp佢話「唔想我地嚟可以直接講,唔需要唔覆,等我地唔洗預時間嚟,我地唔會介意。」

最後祝母子身體健康。



之前幾日我地放假有時間去探但唔覆,

之後我地都要返工,

我哋預唔到時間去(有探病時間)。

加上我地住較遠,出嚟九龍都要預時間。


我爸就話佢唔得閒覆啫,我都聽完就算。 

之後我家姐在whatsapp group post相,又同親戚傾計,我同我老公就覺得根本就唔係忙到覆唔到,係唔想覆我地,覺得拆人間房顧住比自己已經好唔尊重人,生完小朋友以為佢會有啲改變。


我老公同我爸都話我行出咗第一步第二步就算,佢只顧自己 要小氣 覺得佢自己啱就由佢。


拆完我間即unfriend fb, 而家仲blockwhatsapp。為咗一間房,為咗自己,

真係姊妹都無情講?


感動流淚

清新流暢

到此一遊


豈有此理

發表評論 評論 (2 個評論)

回覆 janetysc 18-10-22 00:45
唔好理佢~你已經行左咁多步佢都仲係咁~學D老人家話齋,結左婚後一人一家~好就手足, 唔好就仇人~你有你孝順自己父母好了, 佢唔念姊妹情就算了~
回覆 angel.W 18-10-22 12:45
janetysc: 唔好理佢~你已經行左咁多步佢都仲係咁~學D老人家話齋,結左婚後一人一家~好就手足, 唔好就仇人~你有你孝順自己父母好了, 佢唔念姊妹情就算了~ ...
多謝你,真係好失望

facelist

你需要登錄後才可以評論 登錄 | 註冊