25.5 個月, 病倒了! - chowhui97的日誌 - Baby Kingdom - 親子王國 香港 討論區

25.5 個月, 病倒了!

已有 437 次閱讀 10-11-22 16:17 |個人分類:2歲 (25月)

上個week終於沒有interview, 不過就要去SPK度排隊交form, 諗住同老公一齊去, 點知佢又話唔想去, 咁我話不如唔好報, 佢又話叫我去..  , 真係勞心勞力! 最終我自己去先, 老公陪林林玩, 等佢訓先出來join!

 

去到門口, e, 條龍又唔係好長咋喎, 點知行埋少少睇, 原來龍尾係轉咗彎去咗後面所以見唔到!  我都唔知有幾多百人, 但係total都排咗差唔多二個鐘先交到表, 點解唔可以上網download?   見身邊啲朋友都唔報呢間, 因為個個打定輸數, 但係我心諗, 好歹都俾個女試下啦, 因為佢有時係好怕醜, 但係有時又肯同人講嘢, 大大聲, 而且報名都係$30, why not give it a try?  第時囡囡問我點解佢唔係讀名校, 我就可以大大聲同佢講媽咪幫你報晒啦, 係你自己唔掙氣咋!

 

現場所見, 有小部份家長帶小朋友去, 有啲無幾耐就喊, 有啲好大個, 有啲好細, 細到一路俾媽咪抱住一路食手指.  雖然林林係細b, 但係佢外形唔會細個人, 講嘢呢, 相信無超大b咁好, 但應該唔會係最差嗰啲掛, 聽天由命啦, 老實講, 我去到又唔覺得間學校硬件好好, 因為我始終比較like維記, Anfield或依家boxhill嗰種色彩繽紛, 好好玩咁, 不過似乎老師都幾有禮貌.

 

今個星期去見德望, 係一條龍學校 (), 呢間學校有少少情意結, 話說我小學時唱choir, 校際音樂節去德望度比賽, 嗰時覺得間學校好大, 好似好正咁, 啲同學又話呢間係貴族學校. 依家諗起當然得啖笑, 因為講呢畨話的同學當時仲細, 佢有個朋友住麗晶, 單憑佢住居屋就覺得呢個人好有錢……. Anyway, 當日去交form覺得間學校自成一角, 好新淨, 有老師係度上緊堂, 啲小朋友好似幾乖巧, 課室光猛同埋好大, 環境好似唔錯!

 

林林呢二日病咗, 我諗係俾工人傳染掛, 尋日仲要有發燒, 今朝仲有少少”, 返咗個幾月第一次要請病假呀!  尋日同林林睇下學校教的書, hehe, 佢原來識咗二首新的廣東話歌, 洗白白同食面包, 唱到好似估歌仔咁, 原本想錄個video放上facebook, 不過又好似好無聊, 唱到一舊舊, 永遠都係自己媽咪爸爸先至會個仔女做少少嘢已經勁開心!  我係FB見有啲媽咪啲仔女都唔知係度講乜又Post上離, 乜都聽唔到啲人又係咁話好cute, 天才呀, 好得意呀, 又話自己個仔定女學得好好呀, 好有天份呀..... 有時真係parents先會特別有感覺!

 

今朝林林自言自語用普通話係度講吳老師, 早上好”, 聽到我又覺得好開心, 我得閒都要學下普通話先得!


感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊