昨天經過票站，竟然遇到友人，因為太耐無見，就即時問下近況，講左唔夠十句....
後面有一把男聲，帶著兇惡的語氣呼喝一句：你搵邊個呀!!
呢個時候我先醒起唔小心企左係黃色區到，但係平日都係咁企係到傾計，一個長期的習慣又點會因為4年先1日的投票日改到呀，OK係我唔著，但係洗唔洗咁惡先?
呢個男人著住格仔恤衫，個樣好似叮噹個阿福咁的樣，因為我只係回頭睇左一睇佢個樣，呢個係我唯一記得的印象。
不過來帶埋女女返左屋企，越諗越嬲，我就算係唔岩，佢可以叫我地走開一面，可以講句唔好逗留係到請我地離開，但係我諗極都唔明佢講你搵邊個呀係乜意思，而且對住3個女人都要咁兇惡，惡到好似想殺人咁的眼神。
後來同媽媽講呢件事，佢話呢個男人一定係雜差黎，之後夜晚去投票係票站入面見唔到個個男人，而且票站的所有人都非常友善。所以我99%相信個個男人係差人。
我今日明白到差人的意思了，差人=差劣的人。
兇女人、兇市民。
