沙律媽媽的忙碌日常︰精明買物媽媽系列の嬰兒好物大分享!! ... - fluffy_marsh的日誌 - Baby Kingdom - 親子王國 香港 討論區

沙律媽媽的忙碌日常︰精明買物媽媽系列の嬰兒好物大分享!! ...

熱度 1已有 57 次閱讀 18-3-27 15:06

做左10個月媽媽,真係買左無數樣嬰兒items,當中有好用,亦有唔好用。
等我一一同大家分享下!暫時,買咁多野當中,好用多過唔好用!
今次先分享下有咩好物!

1: BB車防塵罩 [Link
因為沙律B平日好少去街,基本上都比較少機會出動BB車。
但如果長期唔用,會好易封塵。於是,我就上左偉大嘅淘寶搵嬰兒車防塵罩。
又好抵死俾我搵到,仲要好fit size,仲要勁平!真係唔買對唔住自己!


2: Rain [email protected] Store [Link]
其實即係雨褸,用嘅機會不多,但用過一次,你一定會讚好!
沙律媽媽平日都成日上網睇BB用品,呢款rain cover都係無意中見到。
但我諗都唔諗就買左,因為miss左未必搵得番。
買左幾個月,用左幾次,可能有啲似會覺得無需要。
但我用完幾次,覺得好有需要!
如果落雨去街,我地都好少用B車,反而會用孭帶。
用完,再加埋rain cover,真係擋左唔少撇雨!
而且好易用,兩邊都有Clips,可以夾住孭帶。
而底部又有啪鈕,真係可以包到BB實一實!


So far 用過幾次,沙律爸爸,沙律嫲嫲同姐姐都激讚!
Rain Cover 仲有頂帽仔,必要時可以幫BB戴埋,以防萬一!
再者,佢仲附送一個索袋仔,收藏非常容易。
如果將來去旅行,我一定會帶埋!


3: Richell 兩用帶 [Link]
坊間應該有唔少呢啲安全帶賣,但 Richell 呢款我 highly recommended!
因為佢係一條兩用帶,可以當seat belt,亦可以當學行帶。真係一個超好嘅發明!

當BB去到識坐階段,基本上去到邊都要預埋佢個位。
呢款Richell 兩用帶可以滿足到各位媽媽。
而且收藏容易,又輕身,普通去街食飯或者去旅行都必備!


4: 保護頭套 [Link]
呢個item,我個好大媽咪都唔會陌生。又係一款超強發明!
對於學坐同學行嘅BB嚟講,係恩物!
我呢款 cushion 係偉大嘅淘寶買的,總共買過2款!
第一款粉紅波點,我覺得個 cushion 太硬,一般!
第二款蜜蜂仔,cushion 非常軟,我個人覺得幾好,但唯一唔好就係心口無少左條帶!

其實淘寶有好少款,不防可以慢慢睇。
我係某平台見到韓國都有出呢款cushion,但就有啲貴!都係淘寶算數!


5: 綁繩尿片袋 [Link]
我之前介紹床品都有提過,其真都幾好用。
香港地方淺窄,一間房放左張大床,再加床嬰兒床,真係無曬位。
無可能下下都將成包尿片放入房。一黎無位,二黎個尿片包裝好污糟 [有潔癖]。
所以我一早已物色左呢啲袋仔,可以綁係床尾,放尿片,又方便,又乾淨!

如果夜晚換片,勁安靜,因為尿片袋會製造聲音。
沙律B超醒瞓,如果用尿片袋袋尿布,應該晚晚都會版嘈醒。


6: 咬咬樂 [千色 / 一田 / 網店]
我之前寫加固工具都有提過呢個 item!真係幾唔錯!
除左可以好安心俾沙律B食到生果之外,仲可以訓練佢用手拎野嘅能力。
但呢款產品好快就唔啱用,因為BB大得太快。每個月都唔同!
但為左可以俾沙律B可以4個月就嘗試新食物,得地都買左俾佢!佢勁鐘意,一見到就知有野食!

除左 Kidsme 咬咬樂,仲有另一個牌子叫 Boon,都可係千色搵到!

7: Nuby 奶咀盒 [Link][Link]
之前介紹奶咀奶果陣都有介紹過。宜家覺得呢個產品真係無得頂!
因為沙律B 用 Philips Avent 香草奶咀,本身奶咀無蓋,要自己配,
於是沙律媽媽就買左 Nuby 呢款俾佢,但堅好用。
因為可以將個奶咀會周圍扣,扣手袋,床邊,B車都可以,超方便。

尤其沙律B出牙,晚晚半夜都會喊一兩聲,必定要用奶咀呵護。
所以晚晚我都會扣2個喺床邊,半夜拎起手,超方便!



8: 吹氣學坐櫈仔 [Link]
坊間都有唔少呢款吹氣櫈仔賣,最為人熟悉應該係 Richell!
但我選擇左淘寶,因為我買果張係可以發聲的!

又將有興點推高一個層次!再者,呢款嘅底部疏窿,去旅行可以用嚟沖涼,私家椅,係乾淨啲!

9: 防漏零食盒 [Link]
當沙律B 去到 6 個月,沙律媽媽又開始物色又靚又好用嘅零食盒俾沙律B 用!
搵多好多款,終於都決定買麵包超人防漏零食盒俾佢用!

呢款係防漏款,因為佢中間有個黃色嘅蓋掩,小朋友隻手要伸入去拎零食,的確有啲難度!


黃色防漏蓋掩好掂,就算反轉個盒都唔會漏零食出嚟。超好用!
當時沙律B 未識向前爬,沙律媽媽都係用呢個咁 eye catching 嘅零食盒引佢向前爬!
開頭都係唔 work,當試過幾次,真係得左!!

暫時分享住咁多先,下一次我會分享下有咩癈物。



感動流淚

清新流暢

到此一遊


豈有此理

發表評論 評論 (2 個評論)

回覆 plummy_612 18-3-28 11:06
Like!
回覆 fluffy_marsh 18-3-28 23:35
plummy_612: Like!
Thanks

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.