法國醫院剖腹開刀生B記(過程+收費+感想)2018 - DolphinB海豚的日誌 - Baby Kingdom - 親子王國 香港 討論區

法國醫院剖腹開刀生B記(過程+收費+感想)2018

已有 71 次閱讀 18-3-8 12:35 |個人分類:懷孕日誌|關鍵詞:法國醫院,剖腹,開刀,生B

懷孕日誌, 懷孕, 法國醫院, 開刀, 生仔, 剖腹

生之前睇過唔少生仔嘅文章,

今次終於到我分享~十個月真係太快過啦~

我選擇喺法國醫院早上開刀。

流程如下:

晚上8pm 入院登記

填資料:

- 選奶粉(我選了美贊臣)

- 選病房類型(因為香港人六人房巳滿,有大陸人混香港人六人房,最後選了三人房,每天多大約$70)後來發現三人房較安靜,之後休息會更舒服,又不用跟太多人共用洗手間~

填資料後,老公去交錢辦手續,

我就留低做檢查及為手術做準備:

量體溫、磅重、驗尿、聽胎心跳、量血壓、脫bikini line 毛毛

然後就有職員帶我入房

懷孕日誌, 懷孕, 法國醫院, 開刀, 生仔, 剖腹



房間是這樣的:


我的是窗口位(感覺多了窗口的空間,

會多啲地方擺嘢,空間感亦較大,

不過缺點係離廁所最遠,開刀後第一次行去廁所...

由於我嘅傷口過咗麻醉之後好痛,有啲難受...)

洗手間:

有櫃桶三層放個人物品,最下面櫃桶內有夾萬,自己set密碼。

醫院送的入院包:

懷孕日誌, 懷孕, 法國醫院, 開刀, 生仔, 剖腹

有燈:

電腦~

可以睇電視、叫餐服務、叉電都係用電腦USB的~

叫餐的收費在門外有收費表,另外,電腦內也可看到。

病房內有wifi~不會悶。

下圖這個儀器可以搖控燈、床,人仔是聯絡外面的姑娘

早上在手術前30分鐘,

就要換好衫,預備入手術室。


手術過程:

躺在床上,姑娘會推車床到二樓(呢個時候正常都會開始緊張),

老公此時著消毒袍準備一陣入手術室陪產。

將手術室前,麻醉師會來見面並講解一陣麻醉的過程。

姑娘會不時核對資料,問我叫咩名。

接下來入手術室,量血壓,打點滴,消毒,打側身打麻醉針,插尿喉。

懷孕日誌, 懷孕, 法國醫院, 開刀, 生仔, 剖腹

封布令你看不到前面,此時老公可以進來了。

由於打左麻醉,下體在做手術是只有拉扯的感覺。

因為有老公喺度傾計,感覺冇咁緊張,

而醫生的說話亦有令我哋放心,

佢會話:「你地好似平時傾計就得啦~」、

「依家會有啲拉扯感覺唔使驚㗎」、

「個開口好靚呀,記得之後唔好食花膠嗰啲住」

基本上大約10分鐘左右BB就出嚟啦~

聽到佢哇哇大哭,我哋就鬆咗一口氣。

姑娘帶BB去清潔,然後就俾我哋見面影相。

法國醫院會有人幫手影相,之後會俾返隻CD爸媽。

另外會有一份BB相、腳印的記念冊送給爸媽。

懷孕日誌, 懷孕, 法國醫院, 開刀, 生仔, 剖腹

早上開刀中午我就收到了。

由於剖腹生產的媽媽不能當天下床看寶寶,

醫院會在晚上九點推BB來見媽媽~!


法國醫院生仔感想與「手術後感覺

我覺得呢度生好好,之前好驚,但醫生、麻醉師手勢好好,點滳個feel似抽血, 麻醉針感覺有D野吉入去3下咁,最後一下感覺大D,但都唔係痛。反而最痛係手術麻醉過後第一次落床嘅時候.....整個手術大約一個鐘左右,就可以推床返去自己嘅病房

老公就有時間在手術家外與BB合照:

懷孕日誌, 懷孕, 法國醫院, 開刀, 生仔, 剖腹

這時,我仲有麻醉藥覺得個人輕飄飄,high high地咁,

我可能太興奮睡不著,仲有精神玩拼圖更新FB專頁XD:

懷孕日誌, 懷孕, 法國醫院, 開刀, 生仔, 剖腹

大約四小時後

feel到腹部熱,腳趾腳掌可以活動了。

大約五小時,姑娘來幫忙清洗下體,發現雙腳已可活動,腹有好微m 痛感。

晚上塞肛門止痛藥,粥水後口服止痛藥。

到晚上才睡得著,好熱出好多汗,大約一至二小時醒一次。

早上一樣塞肛門止痛藥,粥水後口服止痛藥。

第二日中午就要試自己落床去洗手間,

此時傷口會痛亦可能會頭暈,

所以一定要有人陪同才可以自己下床

我等家人和老公來才試,下床後走路發現真的很痛,

腹部與下體之間有一種被火燒及刀割的感覺,

每移動一步都痛到流眼淚。

不過忍受痛楚慢慢行,去完洗手間。

第二轉再行就會冇咁痛。

我覺得有多痛是體質的問題,

因為我見隔離床的媽媽不會痛,

我也有朋友是開刀的,她也只覺得頭暈沒有痛.....

另外第二晚肚子有M痛的感覺,應該是子宮收縮。

所以睡得不太好,如果覺得很痛、不舒服可以叫姑娘額外給止痛藥的。

第二日我行到後就開始去餵奶,會有姑娘指導點樣餵人奶及抱BB。

餵奶時間如下:

懷孕日誌, 懷孕, 法國醫院, 開刀, 生仔, 剖腹

第五日我巳開始上奶,有黃金初乳,真的是黃金色的!

大約有30-40ml奶。

各位開刀媽不用擔心上奶問題,只要落床後給BB啜乳頭,

多休息,過幾日就有奶了!

法國醫院家人朋友探B時間:

懷孕日誌, 懷孕, 法國醫院, 開刀, 生仔, 剖腹

最後埋單四日三夜,收據這樣,收費如下:

加埋之前的6千按金,總數:五萬七千~

現在海豚BB已回家,

沒請陪月的我們第一天真的手忙腳亂。

換衫、沖涼、餵奶全都是挑戰~~

大家也來一起交流新手爸媽的湊B樂吧!

海豚BB沖涼準備: https://youtu.be/ZNN5w3GFGaU

關於海豚愛美生活日誌:



喜歡海豚的DolphinB,細個好鐘意畫公仔,上堂時會畫恐龍仔代表男朋友,至今已與"為食龍DC仔"中學相戀結婚,到現在懷有海豚寶寶。


我以每人都「值得擁有」夢想的幸福生活態度而前進。喜歡分享生活、家品佈置、畫畫、扮靚心得~曾是一位幼稚園老師、網絡平台編輯及公關,髮型用品代言人、現職Freelance digital marketer。



(網誌靚相由老公為食龍DC仔或DolphinB 拍攝~~~)






DolphinB的email:[email protected]



You can also find me in:

Blogspot】WeShare】【Ztyle】【BE】【####

Baby Kingdom】【MamiBuy】【ELLE】【She.com

EsdLife】【cosmopolitan】【Ulifestyle


一起交流新手爸媽的湊B樂吧!

DolphinB的Facebookhttps://www.facebook.com/dolphin.bluesky/




感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.