奶袋大比拼 - fishma17的日誌 - Baby Kingdom - 親子王國 香港 討論區

奶袋大比拼

已有 30 次閱讀 18-4-11 16:53 |個人分類:人奶路上

奶袋,我真係用左唔少牌子。少少心德可以分享下。


Nuk :質地一般,唔算簿亦唔算堅硬,摸上手幾滑。裝滿一袋唔可以自己直立擺放。一個可裝6安。頭三個月最啱用。因為初時奶量唔多,奶袋太大會浪費。奶袋除左double zip 無另外密封。


perfection : 我用過兩款,一款有壺咀,方便剪開倒奶出嚟,一款就無。質地硬硬哋,摸上手唔係靚膠的感覺。不過奶袋挺身的設計,令佢無裝奶都可以直立企起。有感知温度,聲稱可以直接加熱。不過我就未試過,因為我覺得倒返落奶樽先加熱安心d。奶袋是密封的,用時撕可,再打開zip, 倒奶入去。不過得一條zip


unimom : perfection 質地近乎一樣。唔知係咪大家都韓仔嘢,好似差唔多。


Mother K : 質地硬身,不過摸上手唔算太差,比起上面兩款韓仔嘢好d。袋身設計都係可自己直立企起擺放。其實直立擺放都幾緊要,放平擺成日都好似擔心佢會漏。不過用過咁多奶袋偏偏漏左兩次就係用Mother K。因為佢個所謂double zip 其實痴得太埋,跟本就係得一條zip。不過佢最正既就係有個密封口,完全唔會入塵,用果時撕開,才可以用。不過以上兩款韓仔袋都係密封的。感覺乾淨無菌。


Boots : 網上見好多媽媽好中意呢隻牌子。質地同Nuk 差唔多,唔會好堅硬,都係軟軟滑滑咁,唔可以直立企起身擺放。不過double zip,十分安全,唔怕漏。佢最大既壞處就係9安一隻。好似我呢d窮媽,跟本就無可能一次泵咁多出嚟,所以對我嚟講太浪費。最敗筆之處就係佢個所謂封口,其實都唔算封口,未撕開都可以入塵,不過每隻袋都無發現zip打開過,就當佢入面無菌啦。


Dr. Brown : boots 質地差唔多。用左幾隻試用,印象已經無乜。


Babyland : 質地比Mother K 薄,有壺咀設計方便倒奶出嚟。不過zip 口太窄,如果你泵奶果樽太大,倒出嚟就無咁方便。我用Medela樽,梗梗fit 入去。


日本某牌子:最後分享下一款成隻鞋仔咁既奶袋。完全難於擺放,因為太不規則,擺冰格好浪費位置。而且佢唔係用zip , 只係摺疊幾下,用粘貼貼住。雖然佢無漏,不過感覺好似十分唔安全。只係用左一隻試用裝,無買過嚟用。



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.