新青籮Sparex地址好難搵 - cathychuyy的日誌 - Baby Kingdom - 親子王國 香港 討論區

新青籮Sparex地址好難搵

已有 114 次閱讀 18-3-21 12:23

呢排係咁扮工時間,整理旅行資料,今日唔心息,想搵返仁川新Sparex個正確地址.
話說我上次去仁川嗰邊個Sparex,即青籮Sparex,好多台灣Blogger,都係地鐵再轉的士,影完相,搵埋資料擺上網,只可以講,網上嘅資料都係一齊抄功課,9成比嘅新青籮Sparex地址,都係呢個:인천광역시 서구 완정로 70,然後電話係0325696144.

咁我上次同Ex傻更更,就用返呢個電話,放入車上面嘅GPS,就咁揸車過去,點知,去到,棟大樓同啲Blogger所影嘅,係差天共地,明明十幾樓,但我點數眼前呢棟,最多都係得10層都未必有,咁我即刻幫手用韓文地址搵地圖,結果都係顯示就係眼前呢棟勁舊嘅大樓,外面亦完全睇唔到有Sparex嘅字樣.

左兜右兜一大輪,見佢1樓(即係香港G/F)有間Home Plus,咁最後都膽粗粗,泊低部車入地庫停車場,個停車場仲要係勁暗,又窄,亦係人生第1次見到L位前面,係泊滿曬車,初先Ex仲諗緊,呢個係咪代客泊車先入得嘅場,停低部車會唔會渣都冇.如是者因為未有位,我地兜兜兜,先發覺,原來L位前面嘅車,都係冇拉手制,如有需要,自己前前後後咁推走部車,嘩,真係連返中華人民共和國都未見過咁嘅情況,最後我哋都係搵到個啱啱有車走嘅位,唔駛推郁人哋部車,始終都唔多夠膽咁做.

成功泊低部車,咁咪照上返地面,諗住都叫行吓間Home Plus,點知原來只係個勁細嘅係超市,或者叫大少少嘅便利店咁,唔係賣家具,乜Home Plus唔係賣家具咩...咁又算啦,整串韓國魚蛋食,我又唔心息,拎Sparex嘅相比老闆望吓,點知老闆同我講,上面3樓,吓吓吓吓吓吓吓吓吓吓吓吓吓吓,我頂,唔係啊,明明班Blogger張相真係唔係呢度,點解會咁.

咁上到去,原來真係Sparex,只係舊啲,亦絕對唔係班Blogger所講,上年先開嘅樣,不過唔緊要,由酒店揸到呢度都9個字,一於照玩啦...

入面其實都唔算細,只係舊,公眾區一啲都唔細,起碼唔會細過龍山嗰個,但對比起我之前去釜山Spaland,絕對係舊...

好啦,今朝心血來潮,終於比我搵到,車,原來新嘅仁川青籮Sparex個地址應該係:인천광역시 서구 청라커낼로260번길 15 청라스파렉스주차빌딩,電話應該係0325612244,呢次對照埋Naver Map個街景圖,肯肯定呢個先係班Blogger所講嘅「新」青籮Sparex,4月呢次旅行,我一定會試吓.

後記:韓國用Google Map,基本上係廢,韓文地址搵唔到嘢,導航都係唔Work嘅.最常我會用Naver,入你要去嗰個地方嘅電話,9成都會搵到個地方,可以儲低個地方,備用,不過個介面麻麻,手機版最近係有改動過,不過都唔見得太好用,另一個死位係,個導航都係近乎唔Work,至少我唔知係咪因為冇當地手機電話,佢唔比我過一版你當係免責聲明嘅頁面.韓國導航只可以靠Waze,只不過,佢又對應唔到韓文地址同電話,得英文地址可以入,但9成英文地址佢都係話搵唔到,所以就只可以喺Naver地圖同Waze兩邊用肉眼同人手搵個目的地出嚟.好多人推介韓巢,不過一路冇用過,唔知好成點...

好啦,我繼續扮工搵吓旅行資料啦,Bye~~~

感動流淚

清新流暢

到此一遊


豈有此理

發表評論 評論 (1 個評論)

回覆 cathychuyy 18-3-22 09:34
寫完後擺上韓國旅行Group,有人指正返,Home Plus咪就係Supermarket囉,依,又係Bor,唔知點解我一路覺得Home Plus係賣家具,但我睇返又係喎,Home Plus係 Supermarket,唔知係咪有年去釜山其中一間Home Plus,但只係行咗地下賣家具嗰層,然後就潛意識覺得係賣家具呢?真係樣衰.

然後鬆手制泊車又話周圍都有,咁真係唔好意思,我見識少...我都只係去過日本同韓國自駕遊,加埋香港揸幾年車又都未見過.

facelist

你需要登錄後才可以評論 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.