慳! - cathychuyy的日誌 - Baby Kingdom - 親子王國 香港 討論區

慳!

已有 41 次閱讀 18-3-23 10:22

因為嚟緊呢次旅行要去成十幾日,同埋呢次得返自己一個,冇得同男朋友Share個停車場費,同埋想慳吓錢,所以決定試吓搭機場快線,上網搵到某個K字頭嘅App,見佢唔止平過安X嘅7折,同康X嘅6折少少,九龍站來回都係$107,然後仲有就係個QR Code入閘,話...唔係等換飛,好似勁方便咁,決定試試...


其實自問我係慳妹仔一名,只係,呢次散咗之後,更加想再慳啲,老實講之前呢幾年,我就心思思想試吓搭廉航,但佢就點都唔肯,然後過到去,一落地就要租車,我就成日都想搭吓地鐵,既然佢鐘意我亦順得人意,無所謂啦.結果呢次我一甩拖,決定去呢個旅行嗰吓,就想做返自己,慳!


同佢一齊呢幾年,駛錢老老實實係真係大駛咗,唔覺唔覺好多錢都駛得闊佬咗,好似呢次淨係唔揸車去機場,淨係停車場都慳好多,之前佢仲要泊室內,1日差唔多2百蚊,仲未計油錢隧道,不過之前兩個人Share返,嗰時我又唔覺得肉赤.但真係好好,呢次我終於可以做返自己,講真,我又未去到話要咩都唔駛,不過有需要就用,好似我呢次都會租車,但又唔會十幾日租曬,要去地鐵去唔到嘅地方先租,不過之前租車儲落嘅分,呢次差唔多都已經Cover曬.



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.