唔派唔派又派 - cathychuyy的日誌 - Baby Kingdom - 親子王國 香港 討論區

唔派唔派又派

熱度 5已有 693 次閱讀 18-3-23 11:22

啱啱見到01新聞:「政界消息指,由於陳茂波希望以寬鬆尺度「補漏」,不僅現金津貼水平盡量提高,涵蓋人數方面亦希望盡量擴大,故「低收入」界線也會盡量拉高,「最新收到的訊息,高於個人入息中位數1.55萬元」。」


對於派錢,我真係情願佢將啲錢,放落醫療系統入面,尋日先有新聞話政府醫院醫生,每年走3百個.即係咁,政府到底個理財哲學係點呢?明明床位唔夠,人手又緊,未來醫療系統就越嚟越緊張,但政府就唔擺錢落去,或者應該話,有錢都只係放錢落去重建,而唔係搞掂個人手問題,我見到嘅係,個政府喺度陰乾緊個醫療系統囉,而家走咁多人,之後就會出現青黃不接,咁邊個接呢?輸入醫生護士囉.


另一個面向嘅人就同我講:「阿女,你唔知咁多㗎嘞,你知唔知根本就係班醫生抬高個身價,你知唔知香港班醫生人工有幾高,佢地就死都唔肯引入外來醫生,又唔肯同政府談判,咁政府梗係唔可以比人威脅嘛,咁咪大家鬥玩嘢囉.」

真係吹漲,如果樓價都係咁就好,政府同地產商玩嘢,咁大家咪夠錢買樓囉.


你同政府講,要加人工,佢就同你講,而家加人工冇用㗎,個問題係唔夠人嘛,我頂!!!咁你年年流失咁多醫生,點止血先!!!


好啦,你話加人,佢就同你講,要加就加10%嘅醫生啦,但市場又冇咁多醫生喎(攤大手板無奈樣...),我頂!!!咁你都要慢慢加掛,你一邊加人工一邊開住位先,又得唔得呢?


講到尾,你唔先止血,我又真係唔明仲點捱到第2個「10年醫院發展計劃」,加人工就係止血,連「取消新入職前線醫護人員首兩年不設增薪點」都只係研究,上個月見到份財政預算我真係想講粗口.


你以為政府真係唔知咩,我都認為佢玩嘢,我都認為佢都係焗你引入外(內!?)來醫生,搞死你個香港醫學會,或者河蟹埋佢咁,最後應該同一地兩檢一樣,初時話未有時間表,唔急住,中期就話諗緊,但唔駛急,大把時間,到最後就話,你呢個月唔過就爆煲㗎嘞!!


不過另一個面向嘅人只會鬧班醫生囉.


比返個概念大家,派錢單嘢,如果4千蚊,過百萬人有份,又係幾十億,今年醫療開支增加13.3%預算,差唔多就係60億.罕有病病人買藥,如果政府比錢,每年開支係唔夠4億,呢類關乎人命嘅嘢,政府就係研究吓先.



PS.日日要對住另一面向嘅人食早餐同晚餐,真係食唔落當減肥.

仲有,雖然今年派糖我完全冇份,但我真係覺得應該要派比有需要嘅人身上.




感動流淚
2

清新流暢

到此一遊
2


豈有此理

剛表態過的朋友 (4 人)

發表評論 評論 (2 個評論)

回覆 yurijm 18-3-23 13:16
well said!
回覆 deardad 18-3-24 18:41
讚讚。

不過而家香港人比梁振英搞咗幾年,由當初相對嘅感作感言,馴化到覺得都係搵食緊要,講乜都冇用架啦,如果有錢就 xxx (例如送仔女去國際學校避開國歌法,真係以為有得避)

梁振英搞咗個港獨 issue 出嚟真係要記大功呀

facelist

你需要登錄後才可以評論 登錄 | 註冊