講咗30次我真係唔需要 - cathychuyy的日誌 - Baby Kingdom - 親子王國 香港 討論區

講咗30次我真係唔需要

已有 71 次閱讀 18-3-29 05:48

尋晚放工,有個小小嘅小學同學聚會,席間,有位做保險嘅同學仔,當然又喺度偉論一番.


佢主要講緊,或者Sell緊,佢公司隻XXX幾咁好,到XX歲,就可以有幾多回報,即係嗰啲供唔夠20年,就只可拎返個本嗰種所謂儲蓄計劃,咁本來佢有佢Sell,我又唔會加把口,對我嚟講,始終有類人係冇辦法儲到錢,我有同學仔做咗6,7年嘢,家用負擔唔大,但就係月光族,我覺得,佢絕對適合整個呢類計劃比自己儲錢.


好啦,到個同學仔搵搵吓目標,搵到我嘅時候,見我話都只係個SA,應該係成班同學入面,工作職位係最差嗰個,佢就好似隻狗搵到條狗骨咁,成晚咬住我唔放,一時又話要我儲個錢,一時又話擺銀行低息,一時又話我冇時間睇住個市玩唔到股票,一時就再講佢公司份計劃個回報幾咁高,然後如果去到85歲都唔拎錢出嚟個回報係...BlaBlaBla…最緊要係個計劃幾咁之適合我...


咁我都係好有禮貌聽佢講完,不過就好有禮貌咁話唔想下次出嚟再聽,拒絕咗佢...哈哈.


小妹細個教琴開始,屋企就教落啲方法儲錢,屬於理財舊哲學,可能下次再分享啦.



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.