廢講理財「舊」哲學 - cathychuyy的日誌 - Baby Kingdom - 親子王國 香港 討論區

廢講理財「舊」哲學

已有 92 次閱讀 18-3-31 05:28

前幾日有個舊同學同我介紹儲蓄基金,同我講以前儲錢嗰套跟唔上潮流,但...我都仲係行緊理財舊哲學:我呢啲咁嘅婆仔,只識計啲小小嘅婆乸數,即係仲係用緊零存整付,定期同買股票做我儲蓄計劃.


好似我啱啱教琴嗰時,就開始用零存整付,每個月儲一個特定嘅錢入去,最初先因為收入少,咁我就Set做24期,到期我就將呢筆錢轉做定期,之後又會再做第二份零存整付,供完一份又開另一份,儲到嘅一份,又拎去做定期,到後來因為收入慢慢增加,我由初先計劃要24期才存到某個金額,到後來就用比較短嘅期數就存到1份定期,再之後當我存到4份定期,就Set做每季會有一份定期到期,等自己有需要時可以用,再儲吓儲吓就每個月都有一份定期到期,呢種儲錢方法,應該係我細個阿爸阿媽到我阿哥家姐都係咁儲,然後我又學埋一份,叫做半靈活咁可以每個月都有錢旁吓身,又可以儲錢咁.


就算到我出喺做嘢又多份人工,而家我大概人工一半左右會用嚟儲錢,我當未來供樓都係咁上下,然後其他就會比家用同日常洗費,教琴錢就調曬落2800豪賭,好早期都仲會買單數號碼收吓息,不過發覺都係2800個回報差唔多無得輸,反正我正職份收入同儲蓄都夠我生活,所以我就直情唔理,至於你話要睇住個市玩,我就都只係銀行Set價位買入,乜都唔理,算唔算睇住個市定好煩,我又唔覺.


好啦,我覺得,廢講完理財舊哲學,好似好悶咁.



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.