吞唔落淡氣

呢3日完全做足50個鐘,臨放完假部門忽然爆鑊,腦細當然係等我返先掉返比我嚟執屎.

尋晚放工,忍唔住,返到屋企樓下,本來諗住超市求其買啲嘢返屋企食就算,然後有少少唔開心,經過Pivo Czech,忍唔住都係坐低食個夠,叫埋酒,1個人飲完以為冇醉,結果返到屋企涼都未沖就開始唔知自己做乜,好在已經返到屋企.

夢與醉之間,5月公司檢討部門人工,本小姐決定,今年一定要幫班同事爭取多啲,今日同佢哋講咗我想爭取嗰個幅度,唔到,我即辭,話之佢我冇咗份工,買唔到樓,最多我就繼續同屋企住,屌!唔一齊住都住咗27年,大不了下年先買,公司咁對我部門班同事,呢淡氣我真係吞唔落.