尋晚叫呢個幾月,第1晚唔駛OT,返屋企同屋企人食飯,點知我又反曬白眼.
是咁的,好多年前美國有單官司,係反同人士,亦即基督教團體好鐘意用嘅逆向平權例子,咁呢2日美國終審法院就判完,話個蛋糕店有權唔做同性戀生意.咁尋晚成家人就講呢件事,講到好開心,話終於乜乜乜,真係好,天父總會作工勻勻...又話,而家唔做生意都冇自由,唔做咪唔做囉,有乜問題...BlaBlaBla...
咁我心諗,其實同當年「華人與狗不得內進」一樣,你有你自由就限制人哋嘅自由,當然你話唔買呢間咪買第2間,但個問題係,你唔做生意係開宗明義講,你係同性戀,所以我唔做你生意,等同有個大肚婆見工,你見完話唔適合,你咪唔請佢囉,點解要講明,喂,你大肚,所以我唔請,係2回事!
按佢哋個邏輯,有宗教自由就可以唔做某啲人嘅生意,咁又可唔可以唔做某個種族人嘅生意呢?咁某宗教人士唔做某宗教人士生意,又,又宗教人事係咪可以唔做冇宗教嘅人生意呢?
再講,對冇宗教人事嘅人,又係咪另一種逆向歧視呢?
