數數手指,失戀已經超過100+7日(其實用App計住).
頭1個月Plan同去咗次唔太短嘅旅行,之後就因為中興停工,我公司接單接到手軟,呢2個月日日非人生活,早排中興好似有有返少少生機,咁我就滿心歡喜以為可以正常返,點知事與願違,中興好似比特朗普玩到反肚,佢班客呢排又繼續同我公司落單,連續2個月每日都係訓公司,由睡袋訓到而家就咁趴張檯度訓就算,我唔知咁樣可以捱多幾耐.
老實,中興比美國玩,我係開心,點知我公司就好似同我心情玩對沖咁,中興越大鑊我就越多嘢做,到而家個心都想中興快啲正常運作返,呢鋪,我學識咗咩叫對沖.
