變咗王國興 - cathychuyy的日誌 - Baby Kingdom - 親子王國 香港 討論區

變咗王國興

已有 23 次閱讀 18-7-11 12:50

整理一吓呢個幾個月返工嘅事

中興復牌,之前有人問我係咪喺呢間中資公司做,呢度一次過答返-唔係.

只不過,上次佢比特郎普咁玩佢一劑,我公司就順勢接好多好多好多好多新單,簡單少少講,中興如果比美國整死嘅話,我公司應該會上市分拆再上市再分拆(不過我知道我會死先...)

前排失戀,唔駛拍拖,公司忙咁我順便寄情於工作,加上我又唔駛湊B,煮飯,餵貓,接放學,收兵乜春都唔駛,但我班同事工作以外就忙過我好多,所以我都盡量攬嘢做,做到帶睡袋放張檯旁邊,但晚晚就天光都係唔夠力「捐」入去訓.

除咗忙同多嘢做外,另一樣就係安排人手問題,公司算係咁,見好生意,HR都肯係咁加位,每條Team都搏命係咁加加加,睇親劇,啲公司只要有新Project定接咗單大刁,所有新人都自動波識自己做自己嘢,但我面對嘅係忙到9彩嘅同時,你仲要不停搵時間搵人手教批新同事,上至公司唔同嘅System同公司文化,下至影印,e-Fax,拎廁紙,唔少得嘅仲要教埋點寫Memo,做PowerPoint/Keynote甚點樣同客Present.

除此之外,中間仲要不停幫人心理輔導,有人雄心壯志想做大事,點知要佢由頭學起,嬲豬;又有人唔記得自己係新人,返頭幾日工比人叫幫手做其他嘢,嬲豬.安撫完批新人,又到班舊人逐個逐個頂唔順遞信.

我條Team嘅流失率,已經係全公司最低,但我每個星期,仍然要花起碼至少1個工作天嘅時間去處理離職講2句,入職講2句呢個動作.直到而家呢刻,我都未諗到關於人員流失呢個問題上,仲有咩更好嘅解決方案.

不過我搶嘢做嘅習慣,開始造成越嚟越多其他Team同事,申請要調過嚟.老實講,人我冇咩心搶,不過兵荒馬亂,我而家都唔理得咁多,要過嚟我都會照收.眼見同Grade同事,幾個月都可以唔駛點OT,所有嘢隊曬比班同事做,跟住你呢班係人,唔係機器,見過幾次喺最需要人用嗰時,班同事一齊射波,呢個情況反而冇喺我呢邊發生過,係我搶嘢做背後得到嘅小小欣慰.

6月,我以為我會有好日子過,點知,都係日做20個鐘.
7月,我又以為中興應該翻生,點知,仍然日以繼夜夜以繼日,差少少變咗王國興.

不過應該...而家只敢講「應該」,而家會好少少嘅,希望生活作息慢慢回復正常啦.

感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.