【去斑神器】皮秒激光儀器大比拼～包含DR REBORN 既Discovery Pico 同埋Perfect Medic ...

【去斑神器】皮秒激光儀器大比拼～包含DR REBORN 既Discovery Pico 同埋Perfect Medical 既Picoway！

去斑神器 皮秒激光 Pico Laser 呢排咁hit，差唔多間間美容中心都有，但佢地用既儀器都各有不同，最常見既有Picoway, Discovery Pico 同埋Picosure，咁多款唔同機型，完全唔識分佢地有咩唔同～

話說我一直俾色斑問題困擾，煩左我好耐!! 近排見有新出既皮秒激光去斑科技，咪的起心肝打走啲色斑囉　而家周圍都有得免費試做，我去左幾間美容中心試做同問詳情，自己又上網睇下資料，整理唔同儀器既資料做比較，話哂打落自己塊面喎，就算價錢未必係最在意既因素，都要知道自己做個部機係咩來頭丫，要揀就要揀最好既～

大致上黎講DISCOVERY PICO脈衝時間最快、能量最強，性能比較先進同優勝～不過講就咁講，做既時候唔知係咪真係咁勁呢

上市公司Perfect Medical 部機係Picoway，有免費體驗同埋送名牌唇膏～佢仲俾我揀要咩色唇膏，好靚好中意呀！！我諗住佢係上市公司，唔會好hardsell ，所以上去試下啦，結果試完皮秒仲sell我買package，報價個陣又一時一樣海鮮價，$4,000一次又有$8000一次又有。美容顧問仲話係治療師主理，唔係醫生做，我見d治療師唔算好熟手，有少少淆底... 同埋上到去旺角分店，裝修麻麻地喎... 仲以為係行高級高貴路線添～試做完一次，整體黎講有白左少少，未算做到我想要既去斑效果喎～

之後我就去左DR REBORN，上網search過佢地背後有上市醫療集團support，集團有60幾個全職註冊醫生，感覺專業，令我有信心去試下～對比市面上其他機種，我覺得Discovery Pico好似先進d 同埋科技上比較優勝～今次都係係旺角店免費試做，裝修同環境同上次爭好好好遠！！地方好大好光猛，初頭見到有好多人坐係度等，以為要等好耐啦，但佢地地方夠大，等左10分鐘左右就到我喇～聽完佢介紹，DISCOVERY PICO可以減低反黑風險，突破性皮秒技術有最高能量，加上方型機頭，令療程效果更快更徹底，坊間既Pico Laser 都係用圓型頭，原來好容易會打漏一些位置架，令去斑效果冇咁理想～做完一次，明顯見到亮白左， d 斑都有淡左少少！d斑淡左令我有信心繼續做，同埋service experience都岩我心水，雖然佢地都有sell我買plan，不過我諗住等多幾日睇定d有無反黑或者紅腫先，之後再決定係DR REBORN繼續做皮秒啦！

另外我仲去左Pretty Medical 問下details，佢地有齊PICOWAY 同DISCOVERY PICO，諗住上去聽專業意見，之後先決定揀做邊部機，點知！！原來係一間分店只有一款機！ 佢地規模細，好難book 到想做既機，又冇全職醫生～價錢係$9,800/10次，即係$980一次，一開始知道咁平都有心郁郁，不過諗起之前上網睇過話pico去斑只係需要做5-6次左右，根本唔使10次咁多（廠商都係咁講：http://discoverypico.com.hk/index.php#）硬係覺得如果買左10次，做左5-6次去哂斑之後佢會sell我加錢轉其他treatment，所以最後都冇買～ 本身諗住再試埋Picosure，不過好似唔見香港有得免費試做，加上我覺得Discovery Pico 效果我都好滿意，就冇去試喇～

Perfect Medical: https://www.psmedical.com.hk/

Pretty Medical: https://prettymedical.com.hk/promotion_pico.php

DR REBORN（值得去試下！）: http://www.drreborn.com/tc/laser/discoverypicopromo/