懷孕19週時用防孕紋產品過敏了 - Kikikwok521的日誌 - Baby Kingdom - 親子王國 香港 討論區

懷孕19週時用防孕紋產品過敏了

已有 45 次閱讀 18-8-1 22:37

由一個貪靚既女仔升級做媽咪,,最最最怕就係生完身體會走曬樣
仲會係個肚皮留下一條又一條既孕紋..
當然肥桃媽我都唔例外啦..係16-7週既時候就睇上網D推介去左萬寧買左支
美國X兒既高效除紋按摩露 

*佢主要成份有
純可可油 (COCOA BUTTER)
維他命E (VITAMIN E)
乳木果油 (SHEA BUTTER)
成份:
膠原蛋白及彈性蛋白 (COLLAGEN & ELASTIN):改善肌膚彈性,伸展力及緊緻度
積雪草 (CENTELLA ASIATICA):天然植物,有效增加彈性,廣泛應用於妊娠紋產品
甜杏仁油 (SWEET ALMOND OIL):不油膩之強效潤膚劑
堅果油 (ARGAN OIL):含豐富不飽和脂肪酸,柔滑肌膚同時減少疤紋*

個時係萬寧買一支都唔過$200蚊真心覺得佢好抵..
急不及待要番屋企去試下...
真係好期待佢會有效><感覺就好似執到寶咁

當晚沖完涼就開始用佢..佢既質地比起一般既潤膚露厚身
仲有好強既朱古力味..茶左上個身到感覺都好潤身..但就吸收得唔快..
平時茶肚都係我同桃爸爸既親子時間..所以大部分時間都係由佢負責的..

茶完既第二日肥桃爸同我講D朱古力味仲係隻手到長存..
D香味真係好誇張...但對肥桃媽我黎講又冇咩特別..
用左一排...就開始出現左D問題..我個肚皮開始出現D紅色一點一點
我當然有D擔心唔知發生咩事啦..上網搵資料(肥桃媽係一個好鍾意上網搵資料既人)
當時我既狀況有D似大家所講既妊娠濕疹...當下我冇即刻去睇醫生..
因為妊娠濕疹好似都幾多媽媽會有發生..
但我錯啦T_T..自從個肚皮開始生點點..我就冇一晚訓得到訓得好..
連肥桃爸都冇覺好訓..因為每晚都會好痕..個種痕係根本冇辦法訓得到..



經過2-3日既折磨..又係時候去產檢見下小肥桃..
去到張醫生問我最近有冇特別..有冇唔舒服..
當然係即刻話比佢知個肚皮有D咁既事啦..
張醫生話我呢D應該都係妊娠濕疹..開左D止痕既膏比我番屋企痕既時候茶..
當晚番到去茶左的確係好訓左D..但都係會痕醒..

咁既狀況又KEEP左2-3日 都冇好轉到..仲好似勁左TIM..
肥桃爸見到我咁辛苦最後都係捉左我去睇西醫..
醫生一見到我既情況就好確定我係敏感..
開左D敏感藥同類固純藥膏比我..當晚即刻訓到豬一般..
真係太耐冇好訓過..訓醒左頭腦清醒當然要搵番個敏感源出黎啦..

最近我轉用左既野..就係得唯一 一樣野就係支防紋膏..
點解我咁確定?因為我除左茶肚  其他茶過既地方都一樣出現紅疹..
雖然唔知係因為D咩成份令到我過敏..亦都唔係每個人用完都會咁
以上只係肥桃媽自己用完既經歷...
懷孕期的皮膚比較易過敏
建議用新產品個陣要
少量塗於手臂內側,48小時內如無過敏先好用阿.
唔係好似我咁就真係喊都冇用T_T

題外話:好彩肥桃媽係過敏..唔係濕疹炸..唔係我會仲想喊..哈哈
最後送上敏感時肚皮照一張..呢張算好D..有D仲得人驚


感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.