工作上的壓力，為左搵食、供樓，我都可以忍；放左工返到家中的家務、煮飯、睇功課一腳踢，我都可以唔哼半句；個女唔聽話、駁咀駁舌，我都可以唔流一滴眼淚；
但每次當亞媽喊住打電話向我訴苦時，我個心就好酸、好想喊! 因為我幫唔到佢，只可以做聽眾聽佢傾訴，而佢亦都放唔低個仔同個孫。
今日細佬要帶個仔去學野，順道來找亞媽食下午茶。七歲孫見到亞媽都無叫佢，仲十問九不應。亞媽問細佬點解個孫唔叫佢，細佬只係好大聲講『個仔已經大過仔，咪唔鍾意叫人囉!』。亞媽當時個心好唔開心，因為以前個孫唔係咁樣的.............
