日誌|個人中心 - 親子王國
[嘟媽日記] Week11產檢 Nifty Pro - AngelTse0202的日誌 - Baby Kingdom - 親子王國 香港 討論區

[嘟媽日記] Week11產檢 Nifty Pro

已有 10 次閱讀 19-8-7 15:58 |個人分類:嘟媽日記|關鍵詞:NiftyPro T21 Week11

Week6 產檢既時候,我既產檢醫生叫我做T21 ,當下我係唔知道T21 係D咩黎...所以我就自已一網做左D資料搜集啦

懷孕既媽媽通常會係11-15週期間做一個唐氏既檢查

其實政府係有提供俾所有合資格既媽媽(我係13weeks既時候都有做到)

就係度頸皮,睇BB個頸皮啦,如果過左個CM,佢就會有少少風險

咁點解有咁多媽媽都自費出面做Nifty Pro/T21? 

其實T21 / Nifty Pro 係檢查染色體,總括黎講 檢查既野多過政府所提供

檢查有d咩就留意下面張相啦~

依d檢查除左可以知道BB既染色體之外,好多媽媽都想知道BB性別,所以依家其實唔需要等到照結構先睇到BB性別,所以好多媽媽都選擇11Weeks 既時候去做依d測試,

不過依個檢查其實好貴,好像我對上一次產檢,醫生同我講T21檢查要$6800,所以我都問左好多媽媽們既意見,知道其實有D診所有優惠價錢,而我身為一位全職媽媽,都想搵最好既價錢去做檢查,所以我去左[卓越]做NIFTY PRO

當我8Weeks 既時候,我選擇左用whatsapp去預約,因為知道好多媽媽們都講過打電話等好耐,所以我選擇用whatsapp 預約,1小時內就有回覆,我覺得幾好~

之後可以係whatsapp 問下價錢,同預約時間~

卓越係有提供T21同Nifty Pro 俾媽媽們做檢查,而我就選擇左Nifty Pro,因為當時Nifty Pro做緊優惠,大約$3950(未包超聲波檢查)

通常做T21同Nifty Pro 會先做超聲波檢查,因為要確保BB滿週數,咁樣抽出黎既血準確性就會高D,

而我當時係選擇左一位女醫生,當時佢連產檢都做優惠,所以我就決定搵依一位女醫生啦

做Nifty Pro+產檢都係$4400,所以我就約左係石門就產檢啦

當日我同老公係平日兩點幾去,估唔到上到去見到咁多媽媽們,心知應該要等好耐啦,而當時坐我隔離個媽媽同我講,佢等左4個鐘呀....當時我嚇左一跳,原來佢個醫生臨時要接生,中途出左去,所以佢就落左去食野,之後上黎坐住等,好彩佢唔係同我同一個醫生,如果唔係我都驚要等咁耐,哈哈,當我坐左陣,大約20分鐘,就叫我名入房啦,

女醫生一開始都問下病歷,介紹下nifty pro係咩黎,之後傾左陣計就照超聲波啦,佢部機好清,而且佢會開埋3D圖俾我同老公睇,我同老公都嚇一跳,因為第一次見到嘟嘟既3D圖,當完成左超聲波,確定左BB個週數,就準備抽血

抽血都會由醫生去抽,手勢當然好好啦,好快咁抽完就問有冇問題,之後就出去等俾錢,大約7日工作天就可以有報告啦,出到去大約等左15分鐘,就叫我寫低E-MAIL,原來佢地係會Send返d超聲波相去我既email到,等我地可以自已隨時隨時去睇~

當晚我已經收到email,超聲波圖仲要有埋3D,當然我即刻同屋企人分享下~

最後大約5日工作天,我已經收到Whatsapp通知報告出左,而且佢會話你聽BB性別~

當然我BB係[仔]啦~

希望大家鐘意睇我既分享,我係新手90後既媽媽。

本文章所分享既所有內容均屬個人意見及感受,並不代表該品牌/醫療機構之言論及立場。

如從而引起任何損失或法律糾紛,本人概不負責。

如有產品試用及工作坊邀請,歡迎聯絡我,Thank you!
Email: [email protected]


感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊