日誌|個人中心 - 親子王國
[嘟媽日記] 仁安醫院產檢 9Weeks (極長篇) - AngelTse0202的日誌 - Baby Kingdom - 親子王國 香港 討論區

[嘟媽日記] 仁安醫院產檢 9Weeks (極長篇)

已有 13 次閱讀 19-8-8 20:48 |個人分類:嘟媽日記|關鍵詞:仁安醫院 產檢 9Weeks 仁安

9Weeks 產檢既醫生係我睇第三個醫生,亦都係幫我接生既醫生

第一次睇既仁安婦科醫生,當日我預約左早上十一點,老公放假所以佢陪我去產檢,因為老公揸車所以早左去到,之後去到登記,登記時俾左好多資料我地,等我地等見醫生果陣就可以睇下d資料,登記完後等叫名,都係度高,磅重同量血壓,之後就係慢長既等候,當時姑娘俾左份產前檢查需要,裡面有好多唔同既資料,例如幾多週應該做d咩,通常幾多週做檢查,同埋裡面有埋如果想係仁安生BB落訂需知等等

除左睇資料外,第一次檢查都需要填下健康申報,俾醫生知道你既身體情況

雖然等既時候好漫長,因為我以為早到少少就可以快D,但都等左30分鐘左右,比起之前等個幾鐘算係快左好多,入到去見醫生,佢好詳細咁同我傾下身體狀況,因為我懷孕前咁岩病左,仲要入埋院,係懷孕前一星期仲要有食藥,雖然有左就冇食,但都驚有影響,所以我位醫生都不停上網同睇書研究我食既每一隻藥有冇影響(依個就係我揀佢既原因,因為我對上一次睇另一位醫生,佢就咁話食藥好大機會會影響,就係咁就完左...完全冇繼續幫我睇下點影響等等,所以我先決定轉醫生),依位醫生好有耐性,連我老公都話未試過睇一位醫生產檢咁耐,當佢研究完d藥物後,就照下超聲波

 9weeks 3 days 心跳聲

因為我覺得佢態度好好,所以當下就問左佢想係仁安生BB啦~佢好樂意咁解答我,仲俾左一份醫院保險我,話俾我聽如果係仁安生BB就最好買份保險,萬一有咩事,都有保險包少少~有兩個Plan,一個係自已,一個就自已+BB

臨走時佢仲叫我唔洗咁擔心,好好安胎,所以佢就係同我夾既醫生啦

之後出到去等姑娘叫名,佢會俾返d超聲波相你,同埋會話俾你聽產檢既時間表,係仁安做既價錢,有d政府會包,所以佢同我講係政府做左既話,唔需要再係仁安做,咁就可以唔洗洗咁多錢啦

(唔知道價錢有冇變動,依個係當時姑娘俾我既價錢)

講解曬所有檢查費用同解釋係d咩黎,之後就去俾錢走得啦~

 每個醫生可能價錢都唔同ga~依個就係我醫生既價錢啦

希望大家鐘意睇我既分享,我係新手90後既媽媽。

本文章所分享既所有內容均屬個人意見及感受,並不代表該品牌/醫療機構之言論及立場。

如從而引起任何損失或法律糾紛,本人概不負責。

如有產品試用及工作坊邀請,歡迎聯絡我,Thank you!
Email: [email protected]


感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊