日誌|個人中心 - 親子王國
[嘟媽日記]第二次政府產檢 瑪嘉烈醫院 15weeks - AngelTse0202的日誌 - Baby Kingdom - 親子王國 香港 討論區

[嘟媽日記]第二次政府產檢 瑪嘉烈醫院 15weeks

已有 7 次閱讀 19-8-15 13:27 |個人分類:嘟媽日記|關鍵詞:瑪嘉烈醫院 Week 15

上一次政府安排左係13weeks既時候俾左期我去驗唐氏,佢除左俾左果個期,仲俾左另一個期係15weeks既時候,雖然我知道13weeks做d咩,因為佢有寫注意事項,所以我都有心理準備做d咩,但係好奇怪既係依一個檢查佢完全冇講過會做d咩,剩係叫我填好一份身體健康申報,另要準備老公身份證副本,同小便做檢查...所以我當係普通產檢...

當日我個產檢時間係兩點半,我大約兩點三就到左,但係.......K座大堂d人排隊坐LIFT上去既人係多到不得了,我相信我等十五分鐘都未到我,所以我依家仲行得走得,我決定係慢慢行樓梯上9樓,唔好話我係90後,大住個肚行9樓真係幾辛苦下,好彩我有食早餐,所以都有d力慢慢行,下次都係再早d到去排隊啦,之後上到9樓,又係去到登記處登記,佢會俾一張紙你,之後又係自已磅重同量血壓

另外佢會派d小冊子同今次產檢既程序俾我地睇,當中小冊子有本係寫住瑪嘉烈醫院既產前指南,等姑娘其間可以睇下

等左一陣,姑娘會俾張試紙你,如果你試前冇準備小便,你可以係度高磅重果到拎紙杯,之後姑娘叫你名,直接睇下正唔正常,如果ok再等姑娘叫名

又等左一陣,佢會一次過叫好多人既名,之後就會問下d資料,再去醫生房門等,係果一刻我先知原來我係黎見醫生.......

但又等等等...又等左半個鐘,終於聽到我名,但又唔係入房,係叫我係房門前坐低,其實我已經坐左係果度好耐.........又如是者.....等......終於入去見醫生,遁例上問下有冇問題,冇就上床,聽bb心跳,聽左幾下......完左......

完左之後以為走得啦,點知...醫生話出去再等姑娘叫......omg.....其實我已經係果到兩個幾鐘,好啦...等多一陣...再等姑娘叫名,入去講解下本產前指南,之後再講下轉去邊間健康院,因為正常既話 普通產檢佢會轉返你去健康院檢查

同埋我因為屋企人有糖尿,就算我係90後,身體正常,都需要飲糖水,所以我被安排係26weeks既時候,再返瑪嘉烈做糖水測試

另外姑娘再俾多一個期係我35weeks既時候,做乙型鏈球菌既測試,雖然我係準備去私家生BB,但我都會去齊曬所以政府俾既產檢

之後見完姑娘,就去返登記處拎預約紙啦~ 佢俾左兩個期係需要返醫院,但另外健康院個期係需要自已打電話約既,佢會俾一個預計日期,但時間就需要自已打去約啦,佢除左俾個期,佢仲會俾一份野你,到時去到健康院做登記

就係咁...終於完左第二次產檢... 雖然係好漫長既產檢,但都冇辦法....

希望大家鐘意睇我既分享,我係新手90後既媽媽。


本文章所分享既所有內容均屬個人意見及感受,並不代表該品牌/醫療機構之言論及立場。


如從而引起任何損失或法律糾紛,本人概不負責。

如有產品試用及工作坊邀請,歡迎聯絡我,Thank you!
Email: [email protected]


感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊