日誌|個人中心 - 親子王國
旅遊 - 我愛攣毛哥的日誌 - Baby Kingdom - 親子王國 香港 討論區

旅遊

已有 16 次閱讀 19-6-9 09:51 |個人分類:[旅遊]

慶祝攣毛哥個月大

想帶佢去玩又唔想去太遠擔心攪佢唔掂

話哂都第1次帶佢去旅行,去轉近近地試下水溫都好

所以去轉21夜澳門就岩哂我要求

¡¡記得去前已經幫B申請好特區護照¡¡

 。

plan行程1定要緊記★★★1日唔好去太多景點否則只會玩殘自己★★★

總之帶B去旅行無得好似以為前單身去旅行甘free由朝搏殺到食埋宵夜先拾捨得番酒店

。 

入住酒店⚑⚑⚑永利王宮⚑⚑⚑好值得推介

預先通知需要嬰兒用品,酒店會安排好:嬰兒床床圍床笠被仔+浴盆+嬰兒沐浴洗髮潤膚爽身粉+沖涼玩具+highchair+暖奶器(Philips Avent)+奶瓶蒸氣消毒機(Philips Avent)+竟然仲有黐角服務好細心呢!!!

間房好好好大洗手間都好好好大馬桶位係獨立有門的所以我同攣毛係洗手間沖涼爸爸都可以照去大解

酒店有免費纜車+吸晴音樂噴泉(夠多地方同攣毛影相)

酒店自助餐好吸引,選擇多又野食又夠特別淨係雪糕都有成8款選擇OMG

 。

簡單分享下行程先:

ⒹⒶⓎ ➊

落船到達澳門坐酒店巴到永利王宮酒店寄存好行李酒店內中菜廳-永利宮(貪可以舒舒服服食飽飽*他他條條攪checkin, dree code)➳Checkin(記得申請late checkout)➳上房(服侍攣毛哥1)➳大三巴觀光影相新益美食晚餐酒店內影相睇音樂噴泉

ⒹⒶⓎ ➋

新好利美食餅店早餐步行去龍環葡韻影相熊貓葡國餐廳(樣樣都好好食*炸馬介休)➳官也街行下永利王宮自助晚餐(對住個大大塊落地玻璃睇住音樂噴泉黎食)➳拎行李準備坐船番香港

看似簡簡單單其實已經好充實好忙碌總算順利完成今次旅程

 

再分享下21夜攣毛哥的裝備:

沖涼野:沖涼洗頭液+沖涼紗巾+大毛巾+清潔口腔濕紙巾+patpat濕紙巾+潤膚液+尿墊+尿片+凡士林+睡衣

床舖野:防水尿墊+床笠+枕頭巾+被仔+消毒噴噴+清潔毛巾+陪瞓玩具

換片野:尿墊+尿片+細凡士林+patpat濕紙巾+膠袋仔+後備衫x1+消毒噴噴

必需野:尿片x20+去街衫x3+後備衫褲x2+薄外套+襪仔+背汗巾x2+紗巾x5+口水堅x5+玩具+咬牙玩具膠+

實袋配毛巾仔(隨時抹汗)+BB+遮風擋雨擋太陽傘退燒藥出牙止痛膏風扇仔太陽眼鏡餵奶巾餐具証件

 

我都幾奄尖又怕污糟所以床舖毛巾1定用自己野特別攣毛哥仲細都係穩陣D

希望媽媽們都順順利利 開開心心 平平安安 帶住寶寶大步出走去旅行

P.S. 個人太愛食野好多時都掛住野食完先記得冇影相請多多包容

酒店房真係好大好夠空間:P

發現有個影相靚又少人的筍位 位於:搭纜車入口推開右邊玻璃門直行



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊