導師姐姐, 妳好專業呀~~ - GaryF的日誌 - Baby Kingdom - 親子王國 香港 討論區

導師姐姐, 妳好專業呀~~

已有 253 次閱讀 08-2-28 18:54

今日細少返playgroup, 我托媽咪幫我問導師姐姐, 細少推人係咪唔正確既行為? 但係會唔會係自我保護呢?  導師話細少既反應好正常呀, 呢種係自我保護, 因為小朋友唔會咁深思熟慮, 一定會第一時間作出反應!  不過家長就要在旁教導, 叫佢同人講對唔住!(我有做到呀!)  又問她, 如果一個小朋友比人搶玩具無反應就咁行左去, 係唔係佢會去諗後果所以唔敢反應?  她答咁細個無可能會咁諗, 會咁諗既係大人!  而呢種小朋友係被動型, 係比較軟弱!  做媽咪的千萬唔好由得佢, 應該要第一時間拖返佢回現場, 教佢同小朋友處理返件事, 比佢學習, 咁佢先至唔會逃避, 否則大個後佢唔會識同人溝通, 唔會識同人相處, 要依賴大人幫忙!   聽完就覺得佢好有料呀!

跟住媽咪再問導師, 細少仲未講野呀, 點算呢?  佢答: "其實唔需要太緊張, 佢仲細!  之前有個小朋友上堂時我未聽過佢講一句野, 細少都有講下thank you呀多謝呀咁!  點知果個小朋友上左高級組playgroup後, 因為有比圖書佢地睇, 叫佢地答下問題, 所以好快就識講野呀, 仲講過不停添呀! "  係就好啦, 4月就上高級組啦, 希望真係咁啦! 

(多謝靚媽們既關懷, 真係好sweet sweet呀!)


感動流淚

清新流暢

到此一遊


豈有此理

發表評論 評論 (2 個評論)

回覆 小魚兒正正 08-2-28 23:17
唉.....我個仔都開始......有推人 近幾日 因佢比個小朋友推左好多次 佢放學回來講過好多次 我不覺一回是 但佢開始反擊 老師先出聲 唉....心諗如果我們早D同佢學校講 佢就吾會咁啦........唉
回覆 GaryF 08-2-29 00:01
小魚兒正正, 呢個係成長既必經階段, 妳仔仔反擊係自然反應o者, 妳最緊要將個原因講比老師聽, 佢哋會識得處理架啦, 放心啦! :loveliness:
原帖由小魚兒正正於2008-02-28 23:17:00發表 唉.....我個仔都開始......有推人 近幾日 因佢比個小朋友推左好多次 佢放學回來講過好多次 我不覺一回是 但

facelist

你需要登錄後才可以評論 登錄 | 註冊