記廸士尼一天遊 - hazelnut的日誌 - Baby Kingdom - 親子王國 香港 討論區

記廸士尼一天遊

已有 306 次閱讀 08-8-16 07:31

0889     禽日仲黃色暴雨, 今日放晴呀, 正!

繼七月曾到香港廸士尼遊剛開幕的"小小世界", 今日又有機會到此一遊, 皆因上次篇難忘的親子旅遊入選, 可以再去一次.  今朝同其他BK媽咪的家庭一齊影大合照後, 便到餐廳用餐, 之後就出發去第一個重點地方"小小世界"喇 YEAH!!

                               

去完小小世界之後, 大家便分開各自再玩樂園其他設施, 好彩大會安排好好, 每人派咗份時間表, 等我地可以玩吓其他嘢先至等水花巡遊. 家姐第一時間去攞巴斯光年的fast pass, 跟手帶埋本簽名薄俾D卡通人物簽名添噃

                                    

之後我地就去咗UFO Zone玩咗一陣, 作為熱身先, 火星同埋家姐玩到不亦樂乎呀!  火星仲每一次濕臉都走埋嚟用帶有火星郷音的廣東話同我講 "濕泰臉臉呀, 媽咪!"   我同Daddy都由得佢地玩, 因為由內到外都帶咗兩套, 點濕都有得換, 唔似上次去日本咁, 齋睇人地玩而自己就無份.

                         

跟住就一齊去濕身區等水花巡遊喇, 好緊張呀!  最慘係玩水無得影相呀.....不過第一時間用件雨褸將D行李蓋好先.   期待已久的巡遊終於開始喇, 當每一輛車經過時, 我地全家都咿哇鬼叫, 其中有架車係四邊有人攞住一條喉, 我地以為佢係噴水, 又一齊大叫, 點知原來佢係風嚟架, 條喉申埋嚟時好驚呀!   俾佢玩到添

臨走前仲可以見到火星至愛的bubbles, 仲有家姐至愛的氣球, 二話不說借嚟影相先, he he.....

                                                                                    

今次真係多謝晒親子王國同埋廸士尼俾咗個咁歡樂的親子遊俾我地一家, special thanks梗係當日所有姐姐啦, 多謝&唔該晒))))))))

               

三父女加埋我喱個攝影C都好開心咁返歸lu


感動流淚

清新流暢

到此一遊


豈有此理

發表評論 評論 (2 個評論)

回覆 uu 11-1-9 19:46
:victory:

facelist

你需要登錄後才可以評論 登錄 | 註冊