|
小晉雖然已經15個月大了, 但仍有食夜奶的習慣. 曾經有段時間已經介了, 但因為唔夠磅, 為了多給點營養, 是媽媽要小晉食番夜奶的.
初初每次食飽後, 小晉都會呼呼大睡, 我便把他放回他自己的bb床, 但慢慢他好像不喜歡自己的小床, 總愛睡在我和爸爸中間, 要待他非常熟睡, 才可以把他放回小床. 否則他便會醒來大哭. 那時候他食量小, 一晚食兩至三次, 每次都拖拖拉拉半小時至一小時, 結果每晚都嚴重睡眠不足. 加上天寒地凍, 有時把心一橫, 索性由得佢一起在大床睡至天亮, 直至有一次唔小心趺了小晉落床, 為安全起見及為了有覺好瞓, 我便決定讓小晉睡在窗台上.
我鋪了兩張厚被在窗台, 再為小晉穿上厚厚的睡衣, 才讓他睡在窗台上. 真給他氣死, 以為他睡熟, 放他在小床, 他有時會扎醒, 但放他在大床, 他好像識分咁, 無醒, 照瞓, 試下放他在窗台, 竟然都唔醒. 而且瞓了一晚之後, 佢已經認定個窗台係佢個床位, 半夜食完奶放他在大床時, 佢竟會自動爬回窗台再瞓, 每晚如是. 現在小床只是他午睡的地方. 所以第時搬屋都唔會搬埋張bb床啦.
幸好小晉現在大了, 每晚都喺我瞓前食一次 (optional), 半夜一次, 我起身時一次, 天氣又開始暖, 現在無咁辛苦了. 搬屋後, 佢會同p姨姨一起睡, 希望到時佢會適應啦!
