15/9舉家去了一次金伯樂騎術學校, 是自2005年生了暉暉後第一次出門, 仲要係在無工人幫手的情況下, 只有我兩公婆對住兩個仔, 極富挑戰性.
為了迎接呢一日, 一早安排幫哥哥同弟弟攞證件, 兩個星期前開始約人, 計劃行程, 準備物資...等, 好似如臨大敵咁.
總算順順利利去, 齊齊整整返, 哥哥無乜大扭計, 弟弟又盡興而歸. 只是我倆公婆整日疲於奔命, 天氣又熱, 好似打完一場大仗咁. 最多得番1/3條命.
其實去了一日, 無乜特別嘢做, 本來想餵馬, 但又怕會所唔俾, 帶弟弟去睇馬, 初初佢都好驚, 不過最後都有摸吓隻小馬, 本來話騎小馬, 但最後弟弟又縮沙, 好搞笑.
哥哥好鍾意個會所, 周圍走, 周圍跑, 一啲都唔怕, 試過兩次睇唔到啲玻璃窗撞了埋去, 之後, 每次去到啲玻璃窗/門時會先用手仔摸下, 算係經一事長一智.
食了午飯, 玩到4,5點, 弟弟終於肯小睡一會, 但哥哥仍然唔肯瞓, 唯有讓佢在回程時才睡.
晚上在西餐廳食飯, 成個餐廳只有我們一家, 其他人都去了中餐廳, 我任由兩隻小豬周圍走, 只要唔危險便是, 蝦子餅本來都想捉住佢地唔俾周圍走, 但經過一整天的操勞及聽過我的見解後, 也坐下吃飯, 在唔影響其他食客和安全的情況下, 又有成個餐廳的侍應睇住, 俾兩個細佬周圍走和同所有人玩, 大家win-win.
