王國教室─萬聖節饅頭親子班 - 王國通告的日誌 - Baby Kingdom - 親子王國 香港 討論區

王國教室─萬聖節饅頭親子班

已有 779 次閱讀 17-10-31 10:33 |個人分類:王國活動

萬聖節就梗係整蠱做怪啦!所以今期王國教室大搞創意,舉辦咗個「萬聖節饅頭親子班」,將中式饅頭加入西方元素,整出兩款造型嘅饅頭。而且,國王知道上次「冰皮月餅親子班」嘅反應熱烈,所以今個活動繼續俾國民用積分換取參加名額,為陰森嘅萬聖節添上歡樂嘅氣氛!


講到整饅頭,一定唔少得搓麵糰嘅環節。將適當嘅材料加到麵粉中再攪勻,就會變成麵糰。搓麵糰亦都講求技巧,要將麵糰搓至光滑,但又唔可以搓到斷筋,否則最後就會影響饅頭嘅口感。睇到下圖麵糰嘅顏色,大家又估唔估到佢地整緊咩造型嘅饅頭呢?相信答案都呼之欲出啦





搓到麵糰光滑之後就可以等待第一次發酵,然後再造型,大家用牙線棒壓出南瓜紋,再黐上南瓜椗。





造型呢個環節一定要快、靚、正,唔係就會影響麵糰嘅發酵情況,最後蒸出嚟就會唔靚仔㗎啦!等待第二次發酵完成之後就可以開火蒸煮。幾個字後,一籠籠精緻可愛嘅萬聖節饅頭出爐啦!




同上次整月餅一樣,我哋追求搓得開心、食得放心,所以今次用嚟裝飾饅頭嘅都係取自唔同食材嘅天然色素,好似係鬼仔饅頭就用咗竹炭粉,而南瓜饅頭真係加咗南瓜粉作調色㗎!再配以用綠茶粉整成嘅椗,同埋一雙用「可可粉」整成嘅眼,真係有畫龍點睛嘅作用!


 辛苦咗咁耐,梗係「相機食先」啦!望到大家嘅笑容,相信大家都玩得非常開心,我就喺呢度代大家多謝導師啦!





王國教室嘅活動真係「手快有、手慢冇」,唔想錯過嘅就要捕實王國教室討論區喇!


感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊