王國教室─「T.Park [源.區]」免費參觀活動 - 王國通告的日誌 - Baby Kingdom - 親子王國 香港 討論區

王國教室─「T.Park [源.區]」免費參觀活動

已有 189 次閱讀 18-1-9 15:44 |個人分類:王國活動

每年,香港產生嘅都市固體廢物超過600萬公噸,而香港現有嘅三個堆填區亦預計會喺2020年前相繼飽和。要解決問題,除咗由生活習慣著手,仲需要將呢個環保概念傳承俾下一代!所以國王安排咗今次參觀「TPark [源.區]」嘅活動,就係希望各位大朋友、小朋友學習同體驗香港嘅綠色文化,並將呢粒環保嘅種子交俾我哋未來嘅主人翁!


TPark [源.區]」係香港首個集污泥焚化爐、發電系統、海水化淡廠、教育同自然生態設施於一身嘅污泥處理綜合設施。而「TPark [源.區]」中嘅「T」字代表「轉煥」,有「轉廢為能,煥然一新」嘅意思。



「轉廢為能」主要分為幾個過程:

1. 污泥接收

2. 焚化

3. 發電

4. 煙道廢氣淨化處理

5. 灰燼和殘餘物處理


聽完佢簡介,我哋就開始參觀喇!「TPark [源.區]」根據「轉廢為能」嘅過程分成幾區,每區都有影片作介紹。首先,導賞員哥哥先簡單介紹吓焚化嘅過程,以及啲污泥係點樣運送到「TPark [源.區]」。



其中一區最特別嘅係我哋去咗一間模擬焚化爐嘅房度睇短片,等大家可以「感受」吓焚化爐係點運作。而喺焚化過程中產生嘅熱能會被回收,並且轉化為電力。



焚化爐採用嘅「流化床」技術,將污泥變成灰燼,體積大減九成!



去到[ · ] ,導賞員哥哥帶咗我地去模擬嘅中央控制室,顯示屏入面嘅影像睇落係黑白色,但其實個鏡頭係彩色架!導賞員哥哥話因為儲存污泥嘅房間含有大量嘅化學物質,所以影響咗顏色嘅呈現。



然後我哋喺唔影響廠房運作嘅情況下去咗睇吓焚化爐嘅真身,同埋參觀導賞員哥哥之前提及過嘅設施營運。





呢度仲有一比一嘅模擬零件俾大家作更深入了解添!





最後,我哋搭升降機去到[ · ],呢度擺放咗一系列嘅環保傢俬,等大家坐低慢慢欣賞美景!





參觀完「TPark [源.區]」,小編認為焚化技術幾先進都好,都唔及源頭減廢嚟得實際,為咗我哋下一代著想,由今日起,大家都要珍惜地球俾我哋嘅資源呀!


感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.