王國日誌─BK過聖誕! - 王國通告的日誌 - Baby Kingdom - 親子王國 香港 討論區

王國日誌─BK過聖誕!

已有 266 次閱讀 18-1-25 16:00 |個人分類:閒話家常

小編嚟找數寫BK聖誕Party後記喇~雖然過咗好一段時間,但我對當日嘅印象依然好深刻,因為小編喺今次Party中咗份大獎呀!哈哈哈哈哈!至於係咩獎品就等一陣再揭曉啦~


上回講到,我哋一早就裝飾好等過聖誕喇!當日朝早大家已經喺Pantry度準備緊Party嘅嘢食,呢度就係幾十人份量嘅indomie啦,辛苦晒!除咗員工之外,我哋仲有幾粒「小青豆」,即係同事嘅仔女、細佬妹、姨甥或者係姪仔姪女等等都一齊返嚟歡度聖誕!國王仲為小青豆們預備咗聖誕禮物添!




國王特准同事們一邊喺Pantry玩國王版大富翁,一邊等食!




有留意開王國日誌嘅國民應該知道我哋每個月都有月會,而十二月嘅月會同Christmas Party合併咗,玩嘅遊戲特意加入咗聖誕元素,邊組人可以喺最短時間內將七巧板砌成聖誕樹就會贏到獎金㗎喇!唔使幾秒,大家就搶住舉手,真係勝負難分呀!




除咗大抽獎,同事之間亦有個唔打算揭曉答案嘅「Secret Angel」交換禮物活動,真係夠晒驚喜!唔知邊個咁大手筆送成箱禮物俾呢位同事呢?



呢位男同事鍾情於美少女戰士,佢個守護天使亦好貼心咁送咗呢份「心頭好」俾佢!



認真報告完工作,玩過遊戲,Christmas Party就正式開始喇!開動喇各位!



食完嘢就係萬眾期待嘅大抽獎環節!俾大家睇睇今年嘅禮品有幾豐富先!



每年我哋都會轉一轉抽獎嘅方式,今年就選用咗掟乒乓波嘅方式嚟抽獎!同事們將紙杯排成聖誕樹咁嘅形狀,而每個杯底都寫住唔同禮物嘅number,掟中就可以帶住你嘅紙杯去領獎喇!大家可以放心嘅係,每個人都可以掟到中獎為止,人人有獎,永不落空!




終極大獎就唔到我喇,不過小編相信自己2018年會行大運,皆因我非常好彩地抽到雙人來回台灣機票,嚟緊放假可以去台灣走一轉喇,多謝國王!



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.