體驗韓式新年~ 炑八韓烤 MeokBang Korean BBQ & BAR - smonkichi的日誌 - Baby Kingdom - 親子王國 香港 討論區

體驗韓式新年~ 炑八韓烤 MeokBang Korean BBQ & BAR

已有 51 次閱讀 18-2-7 15:10 |個人分類:飲食|關鍵詞:炑八韓烤, 韓燒, bbq, food, FOODIE, foodies, hkfood, hkfoodblogger, korea bbq, KOREA FOOD

位於尖沙咀出口大興廣場的炑八韓燒
雖然位處9樓,但仍佔盡地點優勢,晚上八點仍然成場爆滿~


因為樓上鋪,地方佔地很廣,枱椅都夠哂大張,坐得舒服~


呢度以新派韓式燒肉為主,所以裝修都比較年輕化
除左卡位,亦有韓式的圓枱仔坐

另一邊就有大大的窗,感覺開揚


甫坐下,待應們就熟手及快手地上左一枱野了~XD
有3格調味料/ 醬油/ 4款前菜/雜菜籃/沙律,仲馬上淋上了蛋漿同粟米芝士漿添
除左沙律外,所有野都可以REFILL 架,就連蛋漿同芝士都可以~感覺好超值


雖然係免費野,但呢個芝士粟米同蛋漿都好認真
芝士聞落好香,入口唔算好濃味,而且粟米都超多,食完唔會飽滯左
而蛋漿就加入左泡菜,不過辣味好輕,配合蛋既甜味,MATCH~
順帶提提,呢度既泡菜唔太辣,反而幾甜,唔似坊間的一味酸,
而且係新泡個種,即係食落仲有D爽口


臨近新年,點左個季節限定的
步步高昇賀年套2人套餐
入面特別加入了韓國人的賀年菜

首先上枱的,係一個造型色彩超靚的 
九節板

九節板其實以前韓國宮庭菜,平民係無機會食的 
九節板會加入韓國人認為吉祥的五色食材:黃、綠、白、黑、紅
全部材料都切絲,色彩繽紛,淨係賣相都令人垂涎三尺呀。
                   而且韓國人好注意養生,九節板內全都係健康的食材,只落了少少麻油調味
味道以清淡為主

食法就係將中間的皮加入自己喜愛的食物捲埋一齊食
有匯合,共聚的意思,就好似中國人的團圓咁解~


雖然每樣食材都唔太多,但加埋個皮,都好飽肚~ 
而且建議要快D食,因為塊皮放耐左會乾同硬,影響口感~

另一樣韓式賀年食物,就係呢個韓式餃子年糕湯~

以石鍋上枱,一直冒住煙~

年糕同平時既炒年糕好唔同,因為已經變成一粒粒小丸子咁
應該都係同湯圓同一寓意,團團圓圓~


清新的紫菜湯底配有3粒超大的韓式餃子
就連餃子都係圓形架~ 果然有意頭
餃子內混有豬肉碎/粉絲等等,味道都偏清淡

韓式,又點會無燒肉
呢個步步高昇座好哂好意頭啦~
由肉味的濃淡區分,一層層地由底食到上最高峰~


由底到上分別有薄切韓牛扒/大蝦/牛舌/韓牛牛胸前肉/韓牛牛五花
以及最高的厚切五花肉

蝦係大大的沒有錯,細[心地將蝦身起殼,只保留蝦頭和蝦尾
方便燒又方便食~入口啖啖肉~


牛肉雪花分佈均勻,燒至半成熟,有入口即溶的感覺


肉沒有加入醃料,燒出來都食到濃濃的牛肉汁


當中以牛舌最爽脆/ 牛五花最淋,牛扒最有口感

不過韓牛都雪得幾實,未溶得哂,太大火好易焦而未熟,要小心處理

高峰在望啦~


厚切五花肉

呢舊五花肉極厚,有成吋~ 一邊刻意界了花,方便燒
細心睇,原來舊五花肉連埋成層皮架~ 
D皮仲清理得超級干淨添~ 


燒五花肉真係好考耐性,幸得友人出手
燒到反轉再反轉
係咪隔住個MON都聞到肉香呢~ 


肥肉的甘香加上豬肉的焦香
最特別係再加上豬皮的咬勁~ 呢個五花肉賺大了 

套餐不包飲品,但食韓燒又點可以唔飲韓式特飲架?

呢個青提子特飲就有偏淡口


菠蘿特飲就濃味好多



原來除左新年套餐,呢度平時都有好多餐廳同優惠



炑八韓烤 
MeokBang Korean BBQ & BAR
尖沙咀金馬倫道5號太興廣場2樓


如要聯絡本人,請電郵至: [email protected]



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.