||
11 月 4 日嘅「文物時尚．荷李活道」街頭嘉年華，氣氛真係好好！導賞團嘅介紹仲有唔同嘅工作坊體驗，唔只令 3 姊弟玩得好開心，連大人嘅兒時回憶都返晒嚟呀！
大戲造型吹氣公仔，喺門口迎接我哋！
人力車係昔日香港嘅交通公具，今日就同兩姊妹好襯色！
Par Par 坐中國古式座椅，就增添幾分貴氣！哈哈！
Keicy 喺石屋家園攤位試玩水印貼紙，將卡通人物同飛行棋放上手臂。
無論任何年代，乒乓波都係大人小朋友都鍾意嘅遊戲。
兒童粵劇音樂會啲衫好靚，3 姊弟都話好想有一套呀~~~
玩砌圖，加深認識荷李活道景物。
Keicy、Par Par 扮坐監 XD
吹氣公仔好得意！
原來有得免費坐人力車，哥哥好 nice，仲一齊大合照㖭！
早前 3 姊弟去過大澳，所以一見到啲艇仔就認得，仲好有親切感，落足心機幫艇仔油顏色，證明多啲帶下一代認識本地傳統文化，真係可以培養小朋友嘅人文關懷精神。
各個活動攤位吸引咗好多人嚟參與。
有 live band 演出
喺饒宗頤文化館攤位，可以試著華服。
好香嘅生態友善咖啡豆。
3 姊弟都話聞到啲香料味道，好想食嘢~~~
小飾物及由麵粉袋製成嘅 tote bag.
荷李活道，係香港開埠後最早興建嘅街道，有文武廟、大館同孫中山嘅足跡，透過「荷李活道街頭嘉年華會」，Keicy、Kassy 同 Par Par 三姊弟唔只可以同古蹟合照，仲可以睇舞蹈同音樂表演，參加導賞團、工作坊等一連串活動，愉快體驗豐富歷史、文化及藝術氛圍之餘，更係好有意義嘅親子活動，希望好快有得再玩啦 ^^
FB: KeicyKK
