| SandraLo | 2012-05-08 21:36 |
| [i=s] 本帖最後由 SandraLo 於 12-5-8 21:59 編輯 [/i]
各位： 又要開新 topic 了, 先多謝大家多年捧場, 我會按次序答番 Part II 尾的問題................. 大家可回顧一下 Part I 及 Part II ： 小朋友大脾氣,可以點教 (置頂) http://forum.baby-kingdom.com/forum.php?mod=viewthread&tid=840915&extra=page%3D1&page=3 小朋友大脾氣,可以點教 Part II http://forum.baby-kingdom.com/forum.php?mod=viewthread&tid=2343238&extra=page%3D1 |
| SandraLo | 2012-05-08 21:58 |
| Quote:adallfad 發表於 12-5-7 14:05 Dear Sandra, 你好! 我追看了你很多年了，也常用讚+ingore，對家姐也ok，但現在到細佬3歲，攪不好了，問題太多，真的攪到我無從入手，所以要來找你麻煩哦，細佬有以下問題: 1) 要求什麼也好, 一開聲就扭著要 2) 有時會不喜歡嫲嫲，推開她，坐遠她 3) 與家姐爭玩具，繼而打人，大聲鬧人 (好肉緊) 4) 他說不, 就不肯改變, 如我們堅持, 他就大聲哭鬧 (經常大聲哭鬧) 萬分感謝! ... adallfad : 你現時是如何處理？理論上如你有用 ignore, 即他用扭要嚟求一樣嘢係「冇」嘅話(即扭唔到), 佢應該唔會持續咁做, 問題出在何處？ |
| SandraLo | 2012-05-08 22:39 |
| Quote:simmeng 發表於 12-5-8 01:17 Dear Sandra, Thanks for your reply! 你咁講都可能啱。因為我覺得打人好大件事，所以反應好大。尤其第一次出現時佢被爸爸敷衍緊，我地咁大反應反而中計！ 我會再試下讚得好D。但有時我覺得佢唔係seek my attention。例如我已經係同佢玩緊，爸爸行埋黎坐喺旁邊叫下佢，佢都伸手出去話打死你... 莫名其妙... 真係好難ignore。咁我當無事繼續同佢玩？如果立刻停止玩都可能係一個反應？叫爸爸ignore 都可以，不過佢已經覺得好慘唔受尊重。 咁可唔可以件事過咗bedtime story 先講返咁樣做唔啱？有無需要呢？ simmeng : 「爸爸行埋黎坐喺旁邊叫下佢，佢都伸手出去話打死你」~~ 你講呢個情况我又明喎, 唔係 attention seeking, 係佢淨想同你玩, 唔想「侵」埋爸爸, 想盡快表達俾你知, 於是就這樣說！ 拆解方法：我估佢 label 咗爸爸冇心機同佢玩, 因此佢只想和你玩, 你找一些遊戲是要3個人玩的, 每次一定要爸爸响度才有得玩 (你不會和她玩), 等佢對爸爸改觀, 而你和她玩時, 若再出現你所講的打爸爸情況, 你便問她是否不想爸爸參加, 若她說是, 你就教她和爸爸講：「有乜事呀, 我玩完揾你呀」, 或者「爸爸等一陣, 我玩埋先」, 然後叫爸爸都答番佢 咁佢慢慢會知用言語表達更好. bedtime story 可以講打人唔啱, 「話」打人都係冇禮貌, 唔駛太刻意, 我始終覺得係佢只係未識表達, 隨住佢大個d, 你地嘅反應細d, 加埋讚, 好快搞掂！ |
| SandraLo | 2012-05-08 22:44 |
| Quote:天山雪蓮 發表於 12-5-8 12:09 我之前用左讚加ignore.係work了一排。宜家ignore 佢，佢會走黎繼續大叫大嘁，之後出手打同踢我。想問仲有咩辦法？好似宜家佢爬左上我大脾喊到瞓咁滯，不過我無理佢，又得唔得？ 當我以為佢瞓醒唔記得啦，原來佢依然係大叫同喊，仲走黎打我。我繼續ignore,佢走至工人姐姐度，ignore 我。 天山雪蓮： 你話你 ignore 佢, 佢就走黎繼續大叫大嘁, 乜唔係佢大叫大嘁扭計你先 ignore 佢？佢做左d乜你用 ignore ? 同埋佢幾歲 ？ |
| SandraLo | 2012-05-08 23:05 |
| Quote:Minniebaby 發表於 12-5-8 13:00 Dear SandraLo, 你好, 我用左三個多月時間追你兩個post, 好精彩, 我已經用讚 + ignore 對我個囝囝, 但似乎不太成功, 不知是否我用錯了, 囝囝三歲, 言語表達多不錯, 但極無耐性及好大脾氣, 以下有幾樣生活時發生的問題, 我已經用過讚及ignore, 起初都見效, 但好快又打回原, 不知問題何在, 希望能多多指教, - 當教他自理時, 他會say 我唔學, 我唔鐘意學, 我咩都唔鐘意學, 如我教他著襪, 他第一句就say 我唔鐘意自己著, 我係都要媽咪幫我著, 當然我會鼓勵他, then 一齊同他著, 著到就讚他, 第二次係佢未著之前就讚他好叻會自己著襪好似尋日咁, 咁叻, 之後他就會say, 我唔鐘意自己做野, 我咩都唔鐘意自己做, 我係都要大人做......, 但FINAL 我會唔理佢, 自己著好襪+鞋話媽咪出得門口喇, 你得未, 未我就等埋你, 之後佢就大喊, 發脾氣係都唔肯去做, then 我就會鼓勵佢, 佢就喊住咁發晒忟憎咁我幫佢一齊著, 但我只係輕輕幫下.....我應該如何去handle 呢 ?? - 另外, 當他自己心情唔多好時, 工人姐姐只係行過佢眼前, 佢就發人脾氣大叫姐姐走, 我唔鐘意姐姐, 想衝埋去打人.......(如他睡醒, 或扭一d 我reject 他的時候), 我同他講, 你不能這樣, 姐姐係我們的屋企人, 她是會照顧你, 煮飯給你食, 但當他心情好, 或悶時又會叫住姐姐同佢玩, 所以我又唔覺得佢係唔鐘意姐姐, 只係找人來發脾氣吧, 我又係他無叫姐姐走前, 讚過他, 當他瞓唔醒大吵大喊時, ignore 他, 但他真的可能喊好成個鐘, 喊到聲都吵晒, 唉....我應該點handle 呢? 其實尚有太多行為上的問題, 不好意思長編大論, 我想暫時解決住兩個先, 請多多指教, 專家大人, 萬分感謝 !! 煩惱的媽媽 ... minniebaby : 初步估計, 有可能你同佢「講道理」講得太多, 令佢覺得「講得掂」就有可能唔駛做, 而佢都似走精面嗰 type.............. 你話重有行為上的問題, 放多兩樣上嚟, 睇吓我估得啱唔啱先, 再一次過教你！ |
| simmeng | 2012-05-09 01:05 |
| Dear Sandra,
A million thanks! 明白了。你說得對，佢應該係label咗爸爸係無心機同佢玩。仲可能係唔識照顧佢，因有時叫爸爸幫手換片，或者比生果佢食，佢會撥開爸爸隻手話唔要爸爸。爸爸見狀就會話好啦，等媽咪黎啦！其實係咪叫爸爸堅持下好D？定係如果阿女真係唔想爸爸參與就算，再教佢用言語表達佢嘅意思？三個一齊玩嘅遊戲係一個好好嘅提議。其實我而家都會扮唔識玩某D野，等佢想玩就一定要找爸爸。可惜爸爸耐性有限，成日搞搞下就變成自己睇書or 電視or打機。爸爸話我寵壞佢搞到佢一定要有人陪玩唔識自己玩喎... 咁有人一齊互動唔係好過自己對住個電視睇DVD咩？
sorry, 越問越多。thanks!
|
| Minniebaby | 2012-05-09 11:26 |
| 回覆 SandraLo 的帖子
Dear Sandralo, 好感動你百忙中的回覆. 你好勁, 我的確是常常同啊囝講道理, 而且他的確是好精及古惑的小朋友 !! 在生常生活中的行為問題隨之前兩項外, 還有很多, 如以下的 , - 他有個表姐, 常常和她一起玩, 表姐大他兩年, 他同表姐玩得好開心, 但自己一唔like 時就郁手打表姐, 也可無故打表姐, 我試過係表姐剛到我家時, 佢哋未開始一齊玩我就讚他, 囝囝好乖喎無打表姐, 你哋玩得開心d 啦, 轉頭不夠10分鐘佢又打表姐, 表姐從來不會還手的, 以前, 當他打表姐時, 我會好大反應罵他, 但睇完你個post, 我只會立即捉住他手, 好serious 咁同佢講打人係唔岩的行為, 不可以做, 之後分開他們, 佢一定大哭大發脾氣, then 大叫表姐走, 我唔鐘意表姐, 佢比我感覺係好似表姐來了, 分左佢d 玩具, then 自己唔like 就郁手打人, 之後又好似自己好慘咁比其他小朋友分左d 玩具時, 仲要比媽媽罵(我估), 當他這樣大哭大吵時, 我會ignore 他, 但他好堅持可以大哭大叫好耐, 不停喊住叫媽咪, 做乜野, 你去左邊到, (其實我就坐在他格離, 佢好似習慣性, 一喊就講哩幾句野)...., 唉有咩方法教他情緒問題, 及與人分享.... - 另外, 佢往往同大人對立, 如去完toilet 叫佢洗手 (大人語氣是很有禮的), 他都會大叫我唔洗手, 我唔鐘意洗手..... - 如沖涼時, 叫佢對手扶住, 因媽咪要幫你洗腳底, 佢又會腳un-un, ng 一聲, 表示唔鐘意做..... 我試過係未做前讚他及做好又讚他, 但起初一, 兩次是見效的, 但之後佢好似唔在乎我們的讚美, 又做返自己的壞行為...., 他是一個很有自己主見的小朋友, 希望SandraLo 專家可以教路, 如何教好我這位惡劣的三歲小朋友, 感激萬分 !! 煩惱的媽媽上 |
| adallfad | 2012-05-09 13:38 |
| 回覆 SandraLo 的帖子
謝謝Sandra回覆 可能因為與老人家同住，他扭就會有，但老人家無得改，說了無數次，攪到我都無心機對細佬執到正，現在親友常說我們教得唔好，要打....很無耐... 他很硬頸，就今朝她突然唔想工人姐姐拿水給他(平時他會跟工人姐姐的)，要由我拿給他，我即時轉手也不行，因趕上班，就行出去再入返來交給他才行，不然他又哭鬧一大餐，跟住又是老人家來氹返... 謝! |
| 天山雪蓮 | 2012-05-09 21:00 |
Quote:原帖由 SandraLo 於 12-05-08 發表 天山雪蓮： 你話你 ignore 佢, 佢就走黎繼續大叫大嘁, 乜唔係佢大叫大嘁扭計你先 ignore 佢？佢做左d ... 佢兩歲三個月啦。好多時都係得唔到想要既野，或者以為自己做錯事（唔小心跌左隻杯），就發脾氣。有時會無原因大叫，咁我解釋完，佢仲大叫大喊咁ignore 佢，佢就會繼續喊住走黎我度要我抱。咁佢唔收聲我係唔會抱佢。因為我唔想佢以為喊就可以抱。
|
| SandraLo | 2012-05-09 22:16 |
| Quote:simmeng 發表於 12-5-9 01:05 Dear Sandra, A million thanks! 明白了。你說得對，佢應該係label咗爸爸係無心機同佢玩。仲可能係唔識照顧 ... simmeng : 那你要俾心理預備爸爸.................... 正所謂一分耕耘一分收獲, 佢貪打機、一d時間都唔分俾囡囡, 囡囡自然就唔跟佢, 而痴你太多, 除咗困身之外, 亦俾咗 excuse d 老公遲 d 話你唔得閒陪佢, 就自己就去玩, 對屋企完全冇好處！ 小心小心！ 你話俾爸爸知, 小朋友係响玩裡面學好多嘢, 同小朋友玩即係教緊佢嘢, 絕對唔係寵壞！担心玩得太得, 就同自己定個簡單嘅 timetable, 例如每晚只同佢玩一小時, 當中最少有廿分鐘同爸爸一齊(開始時)！只要爸爸肯同佢玩, 好大機會佢唔會咁多嘢拒絕爸爸, 就算真係拒絕, 都唔太重要, 你亦可以指定某樣嘢係一定要爸爸做！ |