咪係囉， 咁全公司都架喎， 真係唔怕醜?!
| ikab | 2018-01-27 15:25 |
| Quote:Joannechau777 發表於 18-1-27 15:20
個個Winnie Law又真擺出一個討厭既勝利者姿勢喎，其實佢玩到咁揚，我估佢D同事都知佢搶人嘢。佢好鬼唔知醜 ... 咪係囉， 咁全公司都架喎， 真係唔怕醜?! |
| bbooeeyybb | 2018-01-27 16:02 |
其實佢地果行聽好多都係咁，可能容易調部門容易識到人。前夫同小三都係響一個course 度識既。
前夫同期有個madam 朋友都係搶人老公，人地個老婆都係madam, 仲有2個仔。果時前夫仲話：「好地地一個女仔又唔係生得差，出去搵其他紀律部隊d督察咪幾好，竟然搵個人夫，個人夫仲係沙展級咋。」（而家前夫自己有口話人無囗話自己）
個madam 成功搶完更結婚生仔。所以d同事應該覺得呢d野好common.
果段時間，響BK 識咗個JM 個男朋友又係督察，又係識咗個madam 之後話要冷靜下之後分手。
 |
| bbooeeyybb | 2018-01-27 16:20 |
| [i=s] 本帖最後由 bbooeeyybb 於 18-1-27 16:30 編輯 [/i]
《報復心態》
到新年了，一直未同親戚講，所以無面目出席親戚聚會。而且出街，特別人多地方，覺得好驚，好怕會撞到佢地。直至返到屋企，心情先可以完全放鬆。自信心低落到一個點，係覺得自己好醜樣好冇吸引力。（明明我靚過小三:happy:清醒咗係咁覺得，至少我心地好過佢）
而響年初四，我去咗舊同學屋企玩，就收到前夫問我幾時搬離宿舍既msg, 我真係火都嚟。我都唔客氣msg 回覆：「你有冇搞錯呀？我岩岩心情先平伏d，你又趕我走？」
(9月攤牌、11月佢搬走、2月新年）
當時結婚父母因為我搬走而換咗間細屋，諗住唔洗供得咁辛苦，突然要我搬，我真係無咁既心情睇樓。完全覺得呢個人變唒，變到好陌生，變到好無人情味。
我相信經歷過對方有婚外情的人，除咗傷心之外，一定會有憤怒、沮喪，到最後才去到接受既階段。
曾經有個諗法係去佢警局搞大件事，等佢2個樣衰都好。朋友個男朋友係警察，仲已經幫我check 咗佢2個守邊區，教我可以寫信去邊度等。
而且一直有個諗法，一直唔簽紙離婚，等2年分居自動離婚唔成全佢地都好。
好多好多負面、報復既諗法.....
最後當然我無做到啦，佳因本身並唔係一個咁既人，我知道做咗我只會開心一陣，到最後未必改變到结果。亦因為台劇《犀利人妻》呢套戲，比我好多正面諗法，所以覺得最好既所謂復仇方法，係要活得比佢地好。
《犀利人妻》主角謝安真入面，有幾幕好感動我，亦都令我開始釋懷....
「雖然，我們最心愛的東西都失去了，但是沒有關係，我們還有自己，現在只是命運要我們學習新的課程而已，就這樣而已，不要怕。」
「超越傷痛的唯一辦法，就是原諒傷害你的人。.....為什麼我要讓這些傷害我的人一直控制我，讓他們影響我的心情，讓他們破壞我的快樂。甚至讓他們扭曲我的性格，我不喜歡這樣。」
「決定復仇需要勇氣，可是決定原諒，比復仇更有勇氣。」
下篇開始會講用咩方法企返起身
待續.......
|
| sunshine_Y | 2018-01-27 16:57 |
| you are so tough! Support~~~~ |
| fairyfloss | 2018-01-27 17:32 |
| 有時，唔係個男人變得無情，係佢一直都係咁樣，只係佢以前未有機會展示你眼前。又或以為好了解佢，其實從未真正了解佢衰格的一面。 |
| bbooeeyybb | 2018-01-27 17:36 |
| 《認識一個全新的自己》
唔記得講，我其實有響Facebook msg 個小三鬧過佢，不過佢好高招無覆，我亦無再msg 佢。
記得佢搬離宿舍，天氣好凍，雖然話best fd 有時過嚟住下陪我，但總有d日子自己一個人。天未光去返工，訓醒果一下感覺好差，但每日都會同自己講句加油。夜晚一個人訓張兩人床，感覺冷冰冰，宿舍成千呎，靜到好恐怖。我都無諗過咁怕黑既我，可以一個人響宿舍住咗大半年。有時放工返屋企，打開門會好希望前夫返咗屋企，希望佢識得返黎....
或者佢以為搬走，唔搵我，以為我可以好快好返，以為我後生就可以輕鬆面對。但其實個過程好痛苦，每日返工笑面迎人，放工先可以返屋企大喊一場。果時成日都會諗我咁細個就離婚，我將來仲可唔可以遇到個唔介意我離過婚，又愛我既人，就算個男既唔介意，佢屋企人又會點諗呢。
三月27嵗生日，好姊妹個個拎假同我去海洋公園玩，仲預備咗個蛋糕（之前講過前夫話生日食buffet 所以唔買蛋糕，我都唔知幾多年無食過一個生日蛋糕。
而我開始無再諗簽紙問題，我報咗好多興趣班，學攀石、做瑜珈、學整陶瓷、學跳肚皮舞、學潛水（水都未識游就學人學潛水），之後再同朋友去左2次旅行，其中一個trip仲行華山（行咗九個鐘到山頂）。呢d野加加埋埋，無諗過其實已經慢慢建立返我既自信，而且識多咗好多朋友。覺得單身都唔係咩咁差既一回事。
反而開始覺得前夫好廢，淨係識食女做gym做差人。覺得呢個世界好大，識咗好多男/女既新朋友，佢地好多條件好過前夫，突然覺得眼光擴闊咗。已經開始唔鐘意呢個人....
《搜神記》呢首歌好岩聽，由中學畢業拍拖，個世界只有佢，淸醒咗，其實佢只係一個普通人，爭件垃圾返嚟做乜啫？
拋開你先識去審美
往後我便有自己見地
無論愛幾高 身價亦低過青花瓷器
評核我自己 只顧投資於愛情
困在你小宇宙損失看大世界的福氣
|
| 豬仔嘜 | 2018-01-27 22:50 |
| Quote:bbooeeyybb 發表於 18-1-27 17:36
《認識一個全新的自己》
唔記得講，我其實有響Facebook msg 個小三鬧過佢，不過佢好高招無覆，我亦無再msg ... 你好硬淨:good: 祝嗰對賤人早日比第三者破壞:handsome: |
| cathy_chui | 2018-01-27 23:13 |
| 好仔果然唔當差，祝你幸福快樂:lover: |
| dogbb2004 | 2018-01-27 23:18 |
追 |
| natjosejim | 2018-01-27 23:21 |
| 祝福樓主 |