| rosan, | 2006-12-09 10:20 |
| [size=medium]蘿蔔炆牛腩煲 材料 ：牛腩、白蘿蔔、柱侯醬2湯匙、蒜茸、薑茸、 酒、 紅椒、薑數片、蔥段少許 調味料 ：鹽、糖、生抽、胡椒粉少許、水約1杯 煲牛腩料：陳皮1/4個、八角1粒、薑2片、水適量 獻汁 ：生粉1茶匙、水3湯匙、麻油1/4茶匙 做法： 1)牛腩洗淨，用薑、蔥出水，過冷河，瀝乾水分，切件；白蔔洗淨去皮，切角形備用。 2)將煲牛腩料煮滾，放入牛腩煲10分鐘，轉慢火煲焗1~2個小時或至牛腩軟透，牛腩炆2小時加白蘿蔔， 中途要加入滾水。紅椒洗淨切圈。 3)燒熱3湯匙油，爆香薑茸、蒜茸、柱侯醬，放入牛腩兜勻下酒，加入調味料和白蘿蔔再炆20分鐘， 下獻汁料埋獻，最后淋上麻油、紅椒、蔥段即成。  如有冬故, 浸軟放入一齊炆, 索晒味更加正. :-D |
| HAPPY-BABY | 2006-12-13 01:34 |
| 海綿蛋糕材料 : A) 全蛋2只 白糖30g B) 低筋面粉30g 栗粉/生粉 1茶匙 發粉 半茶匙 (加1茶匙可可粉=朱古力海綿蛋糕) (加1茶匙咖啡粉=咖啡海綿蛋糕) (加1茶匙綠茶粉=綠茶海綿蛋糕) C) 水10ml D) 溶牛油10g 做法 : 1. 將A料, 用打蛋器打至挻身 2. 將B料同篩後, 分3次放入蛋漿中, 輕輕拌勻 (由中間慢慢打圈, 直至完全將混粉勻入蛋漿內)   3. 將C料放入蛋漿內, 輕輕拌勻 4. 將D料放入蛋漿內, 輕輕拌勻 5. 焗爐先預熱, 將蛋漿倒入(6寸)模盆內, 用160度焗20分鐘 6. 蛋糕焗完後, 先將整個焗盆倒轉, 待涼   若果大家想整其他蛋糕, 可加忌廉及喜愛生果, 做出不冋效果 好似我既傑作  |
| ringmike | 2007-01-06 13:46 |
| [size=medium]芝士焗薯 美國焗薯2個(超市有售,用普通薯仔會冇咁薯香.) 煙肉4片切碎 紅洋葱1/4個切碎(紅就帶甜味、普通就有辛辣味,2種都可以!) 磨茹數粒切碎 火腿1片切碎 淡忌廉or酸忌廉50ml(用酸嘅會開胃d,冇咁溜!)個人喜好! 車打芝士(隨喜好落) 牛油2茶匙 黑椒粉少量 海鹽少量 1)用擦洗淨整個薯仔,連皮放入滚水烚20分鐘至半生熟. 2)取出後,用义隨意拮孔落薯仔上,加少量海鹽用錫紙包住,用 200度焗20-30分鐘,用牙籤拮入feel到淋晒就得. 3)用牛油慢火爆香洋葱,加煙肉炒香,,最後加火腿、磨茹、淡(酸)忌廉、芝士,落少少黑椒粉、海鹽調味. 跟住有2個做法: a)薯仔開邊,將(3)加上面,再用芝士碎、葱碎鋪面,用220度焗10分鐘至金黄面即可. b)薯仔開邊,用鐵匙挖薯蓉,(薯邊剩少少薯肉釀回會靚d),加(3)混合釀回,再用芝士碎、葱碎鋪面,用220度焗10分鐘至金黄面即可. *食時再加d酸忌廉or沙律醬! :pint:  |
| ringmike | 2007-01-06 15:00 |
| [size=medium]檸檬燒雞 雞1隻 乾葱頭4粒 薯仔1個切粒 紅洋葱1個切開 蒜頭4粒切片 醃料: 月桂葉1片撕碎 蒜蓉2湯匙 胡椒粉、鹽1茶匙 青檸2個搾汁(普通就1個,都可以用,只是冇咁清香!) 迷迭香1茶匙 豉油2湯匙 橄欖油1-2湯匙 1)將雞攤開,用上述醃料醃至少30分鐘. 2)用油炒熟洋葱,加d水煑熟薯仔. 3)焗盤鋪上洋葱、薯仔、醃完雞d汁料,雞放上烤义,用大火220度燒/焗45-60分鐘,至金黃即可. (冇就鋪開燒/焗,一面金黃後,反轉再烤另一邊即可.)  |
| marywmf | 2007-01-08 15:48 |
| [size=medium]枝竹羊腩煲 (by Ringmike) 我平時就先將羊腩出水,洗淨斬件;跟住炸枝竹,之後切一段段浸軟;燒熱二湯匙油爆香蒜茸、南乳、薑片,加入羊腩炒透,贊酒 ,再落馬蹄、浸軟嘅冬菇,再將老抽、糖、生抽、胡椒粉加入,再加水蓋過d料炆2個鐘,先將炸過嘅枝竹&葱段加埋落去煲多陣就可以轉番沙煲仔上枱, 食嘅時候就梗係要"點"腐乳醬la!仲要食埋生菜添呀! |
| marywmf | 2007-01-08 15:53 |
| [size=medium]串燒牛柳粒 (by Ringmike) 用牛柳最嫰(牛排切粒仲正),用黑椒+蒜鹽醃30分鐘最簡單or專醃牛排嗰隻有dSpicy都好正,之後用牛油+橄油略煎下4面,封咗d肉汁係裡面先,d青紅黃椒要用鹽油"焯"一"焯",串起之後,用大火燒5-10分鐘,視乎你想d牛有幾成熟! |
| ringmike | 2007-01-18 13:21 |
| [size=medium]脆香芝麻蝦 蝦 1斤 黑/白芝麻 3-4湯匙 炸粉 醃蝦: 蒜鹽 1茶匙 胡椒粉 少許 1)蝦去殼剩尾,將d蝦醃至少幾個字至半個鐘. 2)開炸粉時,一定要用冰水開先至脆,跟住將d芝麻加落炸漿到. 3)將d蝦沾滿炸漿黎炸,d蝦浮起就得,如果唔係d蝦老晒!  |
| ringmike | 2007-01-19 17:48 |
| [size=medium]蒜蓉鮮魷蒸茄子 茄子 1斤 魷魚 1隻 蒜蓉 3湯匙 1)茄子要先用滾水+油、鹽烚軟. 2)蒜蓉要用生熟蒜,一半先用油炒至金黃,再加落生蒜到一齊用,蒸出黎先會香! 3)魷魚用胡椒粉、豉油、豆粉少許醃一醃. 4)將茄子放底,鮮魷放上,生熟蒜鋪面一齊蒸,之後加d魚露調味. P.S.茄子一定要先烚熟先同鮮魷一齊蒸,否則鮮魷好似柴皮d茄子都未熟呀!  |
| ringmike | 2007-01-27 13:26 |
| [size=medium]燒牛肉伴薯仔 牛柳 薯仔 百里香 蒜鹽 黑椒粉 1.牛柳原條用蒜鹽+黑椒醃. 2.薯仔烚20分鍾後,待凉切片. 3.牛油+橄欖油用中火慢煎牛柳至喜歡生熟度(噤落牛柳到好彈手代表好生,相反實晒就全熟.)煎好後等5-10分鍾才切片,即刻切d肉汁會標晒出黎. 4.薯仔兩面煎香後,加百里香&蒜鹽即可. P.S.:食時用芥辣醬+茄汁. :pint:  |
| ringmike | 2007-03-12 16:26 |
| [size=medium]辣椒膏炒聖子 辣椒膏 (泰式舖有售) 2湯匙 聖子 3-4斤 三色椒 每隻色半個切條 中國芹菜 3棵切段 蒜頭(蓉) 半個 乾蔥(蓉) 2粒 指天椒 4隻切粒 1)聖子用熱水烚至啱啱開殼就熄火,起肉時將裙邊撕掉,跟住再清洗.(不要烚太耐,否則太老,因為重要回鑊炒.) 2)起鑊爆香蒜蓉、乾葱、指天椒、辣椒膏,落三色椒、芹菜炒,蓋上蓋2-3分鐘,跟住將聖子回鑊炒,落1茶匙鹽調味,打獻即可.  |