manshan1118 | 2015-12-09 14:31 |
請問有冇患有類風濕關節炎既媽媽呀? |
la_source | 2015-12-09 15:33 |
樓主意思係懷孕期間患上? |
manshan1118 | 2015-12-09 16:46 |
努力中, 結婚一年!
五月開工, 但到現再仍未有消息呀!
唔知係咪有呢種病會難中啲? |
manshan1118 | 2015-12-09 17:43 |
準備中
懷孕中
已生產
想知道這三個階段病情會有咩變化! |
manshan1118 | 2015-12-09 18:25 |
2014年3月開始右手手腕痛, 斷斷續續去睇普通私家診所, 醫生比左消炎藥同類固醇我食, 食藥時候好啲, 冇咁痛, 一停藥仲痛過之前, 的起心肝去睇下專科!
因為最開頭我冇諗過自己係患上類風濕關節炎, 所以去左仁安睇骨科, 醫生一睇X光就好肯定咁話我知好大可能係類風濕關節炎,
醫生話手掌位置骨與骨之間好大部分既軟組織冇左, 就係咁就轉介左我去睇風濕科既李梓恩醫生, 開始左我長期食藥既日子喇😣 |
manshan1118 | 2015-12-09 18:42 |
2014年8月開始食呷胺喋呤+類固醇+金雞立,
食左真係好好多喎, 但係有啲負作用, 成個人覺得好累, 有少少掉髮, 面上既斑開始深色,
直至2014年9月病情有好轉就要求醫生可唔可以停左隻金雞立(負作用:皮膚會深色)
因為我同年既10月要結婚,李醫生就比另外一隻叫痛博士既藥我, 就係咁(呷胺喋呤+類固醇+痛博士)就食到14年12月頭! |
Bjwai | 2015-12-09 19:14 |
我都喺睇李梓恩啊,我喺mctd,唔喺類風濕,不過都同一个范畴,金雞立食咗三個月,痛博士食咗兩個月自己覺得唔太痛停咗,一直好擔心生b會點,之後有咗,两个月的時候就小產了。李醫生喺一個超級超級好,有醫徳嘅醫生。有呢一方面的病,怀孕喺好麻煩的一件事。唉。。。 |
manshan1118 | 2015-12-09 19:32 |
我都覺得李梓恩醫生超好👍
佢知想生BB 就安慰我叫我放心, 只要停左呷胺呷呤3個月後就可以開始計劃, 唔會有影響!不過佢話有呢種病可能會影響卵子著床,反而食金雞立會增加懷孕機會:question: |
Bjwai | 2015-12-09 20:45 |
我喺一路食住金雞立的,有咗都食,但喺我產科醫生話是藥三分毒,雖然喺話我服食劑量喺安全的,但冇人可以保證百分百,可能99%的人Ok,我唔好彩喺個1%都唔定,我小產原因喺染色體異常,具體喺咩原因令佢異常,冇人答到,有可能環境,藥物,或者夫妻雙方,總之,有呢方面的病真喺好麻煩,我以前以為風濕喺好輕的病,點知佢包含好多方面,西醫均喺認為喺免疫系統方面,可以講冇得醫,只可控制,日常生活好困擾的,成日痛。李梓恩好人到冇得彈,D姑娘都好好。我都試咗一段時間先有到BB,但最後都留唔到。冇咩有效資訊幫到你,不過可以講下有關經歷。 |
manshan1118 | 2015-12-09 23:17 |
上網睇左好多關於類風濕關節炎既資料, 最明顯既係會手指紅腫以及對稱關節痛, 但我就只係右手手腕痛, 所以我睇左李醫生一排我都仲懷疑緊自己夠竟係咪真係有呢個病!
直至今年(2015年7月)我真係好唔想食藥, 就要求李醫生幫我打類固醇針, 果然打左針真係好有效呀, 痛楚慢慢減退, 就連晨殭都冇左呀, 不過關節始終都係唔可以90度屈曲,
不過好過之前已經好好喇, 當然李醫生有同我講會有後遺症同埋只大約維持三四個月, 我都唔理咁多, 打左先算,今日唔知聽日事!
果然上個月尾就開始痛番喇, 晨殭又慢慢出現! |