| KITCHEN123 | 2012-06-03 09:14 |
| 回覆 SandraLo 的帖子
你好，SandraLo.. 多謝你0既回復，我會開始試下架喇..Thanks~~ |
| SandraLo | 2012-06-03 18:43 |
Quote:Con401 發表於 12-6-1 19:14  你好，我的問題是： 囡囡2歲4個月，本身最大興趣係食野，用餐具食野都好叻，包括筷子，最近2個月左右開始， ... Con401 : 冇錯, 佢係想引你地注意, 同時亦當呢個係一個遊戲！ 先睇点用讚個 topic 頭兩個 posts, 未睇一定要睇咗先, 唔好假設自己識讚！ 首先係唔好再話同鬧, 你要話嘅佢都已經知, 繼而就係結束呢個遊戲！你可以拎定垃圾桶放响飯枱隔離, 先預告整汚糟嘅食物係唔可以食, 清楚講俾佢知即係佢丟落地同枱嘅都唔要得, 丟咗就冇得食, 然後, 一開始食就 keep 住讚, 到佢開始放食物落枱, 就提佢一次, 唔好再放啦冇得食架, 當佢面丟落垃圾桶, 放一次丟一次, 千祈唔好再鬧/話, 出聲都唔好, 但期間佢有猶疑位冇放落枱嗰陣可以讚, 但一放落枱就拎走丟去............ 簡單講佢丟/玩食物嘅後果就係冇得食, 呢個方法並唔係靠嚇, 永遠都係言出必行, 因此, 如你担心佢餓親或者預備臨瞓俾佢食番飽嘅話, 佢係唔會 learn 得到, 亦即係冇用, 可以索性唔好咁做！ |
| chungmanchung20 | 2012-06-03 22:04 |
| 你好SandraLo, 仔仔既問題真係令我好灰心。仔仔宜家2歳半，早係7、8個月前已經可以自己去poopoo，早3、4個月已經介哂早片，但上個月妹妹出世之後，佢開始頼返尿，呢兩日仲日日頼poopoo添。我感覺佢係attention seeking, 同呷妹妹醋。咁我對佢呢個行為應該點處理呀？ |
| SandraLo | 2012-06-03 22:16 |
| Quote:chungmanchung20 發表於 12-6-3 22:04 你好SandraLo, 仔仔既問題真係令我好灰心。仔仔宜家2歳半，早係7、8個月前已經可以自己去poopoo，早3、4個 ... chungmanchung20 : 除咗呢樣, 佢重有乜嘢異樣？你d 時間又係點分配俾佢地兩個？ |
| chungmanchung20 | 2012-06-03 23:46 |
其實仔仔本身脾氣唔大，好少大吵大喊。係有時發脾氣躲埋牆角唔出聲，但我地唔理佢。佢過一陣就自己黎搵返我地。另外，妹妹注意由工人同陪月照顧，我都盡量抽時間陪佢玩，不過我開刀生，係要多少少時間復元同休息，星期六日就無陪佢，交左俾爺爺公公照顧。
因為我地認為佢係引人注意，所以呢兩日佢賴左之後，我地清潔左之後就唔采佢，希望佢知道咁樣我地唔會注意佢。我地咁做啱唔啱呢？其實佢好清潔我地做緊咩架，我地唔釆佢唔同玩時，佢會自言自語話：賴左poopoo, 唔采你唔同你玩啦。賴左poopoo無糖食啦。爸爸返黎仲自己話俾爸爸聽：我頭先賴poopoo呀。
 |
| SandraLo | 2012-06-04 11:20 |
| Quote:chungmanchung20 發表於 12-6-3 23:46 其實仔仔本身脾氣唔大，好少大吵大喊。係有時發脾氣躲埋牆角唔出聲，但我地唔理佢。佢過一陣就自己黎搵返我 ... chungmanchung20 : 你先睇熟点用讚先, 今晚答你！ |
| chungmanchung20 | 2012-06-04 19:49 |
| 我估我明白應該點讚，但真係賴左既時候我又應該點做？完全唔話？完全唔理？
|
| SandraLo | 2012-06-04 22:48 |
| Quote:chungmanchung20 發表於 12-6-4 19:49 我估我明白應該點讚，但真係賴左既時候我又應該點做？完全唔話？完全唔理？ ... chungmanchung20 : 唔好估啦, 睇一睇都只係花你三幾分鐘, 你唔係攞個最佳效果, 唔通試過唔 work 先番轉頭睇邊度搞錯？我用手寫版答你呢個 post 都起碼廿分鐘啦, 我冇錢收架, 唔好咁對我得唔得！？ 我估妹妹出世前你冇做好預備工作, (例如俾定心理預備之後安排係點, 叫嚟探bb嘅朋友帶定多一份禮物俾佢, 恭喜佢做哥哥等等) 加上星期六日又要佢離家俾公公凑, 佢唔响屋企, 根本唔知你係响屋企係休息, 以為妹妹搶哂你地嘅時間, 佢有不安係好正常！ 你先同自己定個 timetable, 要休息但都要顧及囝囝感受, 嘗試解釋俾佢知你開完刀要休息, 只可幾点至幾点陪佢等等, 要令佢安心, 媽咪冇唔要佢; 而當佢冇賴時, 盡量讚多幾次, 用讚嚟俾 attention佢(唔該睇點用讚) , 到佢賴咗, 唔好鬧佢話佢, 亦唔好懲罸性咁唔啋佢, 因為咁都算係俾 attention, 一切要如常. 解鈴還須擊鈴人, 你囝囝係收收埋埋嗰隻, 佢嘅不安係要處理, 唔好淨係假設佢妒忌！ |
| chungmanchung20 | 2012-06-05 01:47 |
| 唔該哂你，其實我已經睇左，但唔敢講完全明白，亦同時要控制自己既情緒。希望可以係返工前解決了。謝謝。
|
| SandraLo | 2012-06-06 22:51 |
| Quote:chungmanchung20 發表於 12-6-5 01:47 唔該哂你，其實我已經睇左，但唔敢講完全明白，亦同時要控制自己既情緒。希望可以係返工前解決了。謝謝。 ... chungmanchung20 : 能夠控制自己情緒確實係必須的.................. 好多媽咪明知於事無補, 但依然選擇鬧小朋友, 只不過是自己的一種發洩, 若控制不到情緒, 小朋友也向你「看齊」之外, 學了的行為處理技巧也用不出來！你囝囝比較「收埋」, 好處是不會有過「激」的舉動, 壞處是你要更多的時間去留心他的一切, 才能慢慢解得開他的心結！ |