- Powered by Baby Kingdom!

SandraLo | 2012-05-09 23:31

Minniebaby 發表於 12-5-9 11:26
回覆 SandraLo 的帖子
Dear Sandralo,

好感動你百忙中的回覆.
你好勁, 我的確是常常同啊囝講道理, 而且他的確是好精及古惑的小朋友 !!

Minniebaby :

方法其實都係嗰一套, work 的, 但你小朋友轉數高, 稍有做得不足, 便會給他「食」住！你亦要預係一場持久戰, 唔急得, 因你處理得一樣, 佢亦會出第二樣, 你要慢慢消化才領畧到怎樣見招拆招！

第一樣係忌又長又悶咁講道理, 以佢轉數, 應該只須講解一次, 唔可以多過兩次, 遲吓你預埋佢會駁咀, 唔好中招.
攞番穿襪呢個例子, 佢覺得拒絕學就可以唔駛做, 咁你就要俾一個唔做嘅「後果」佢, 呢個後果其實亦即係懲罸. 個罸則要有某d 條件, 首要係唔好因自己心情唔好而突然罸佢, 要「預告」俾佢知做(唔做)乜嘢嘅後果係乜, 例如你教佢穿襪, 佢唔聽, 你就話媽咪只會教兩次, 幫兩次, 之後就自己穿啦 (咁你當然要觀察吓佢能力係做到), 咁佢唔聽由得佢, 到佢要穿襪出街, 就提佢只會幫埋下一次, 我再教你多一次.......... 咁到要自己穿嗰次, 預早提佢今次係自己穿, 如唔記得快d 問定先, 唔係冇得去街, 到要出嗰陣佢都唔肯穿或者喊, 你就輕輕話, 咁你下次先去啦, 跟手你自己出去............ (記住要小心說話, 因為言出必行, 冇得番轉頭話下次先！)
我唔係話每樣嘢或者穿襪呢樣一定要咁, 係你自己去權衡邊樣嘢係 priority, 攞番個主動權, 同俾佢知冇得因為喊/扭就唔駛學！另一方面, 對於呢類小朋友, 讚唔係唔 work, 而係如果要佢地做嘢, 佢地會情願唔乖, 所以你要睇番讚乜嘢先會令佢有嗰種鬆毛鬆翼嘅感覺, 呢樣先有效, 例如話：嘩你好醒, 或者讚：嘩你好快學識, 叻！

(待續)

天山雪蓮 | 2012-05-10 03:29

Quote:原帖由 SandraLo 於 12-05-09 發表

Minniebaby 發表於 12-5-9 11:26
回覆 SandraLo 的帖子
Dear Sandralo,

minniebaby，哎呀，我個仔都係咁丫。除非你捉到個一刻佢最緊張既野先食得佢住。如出街著鞋，佢會扭唔著，雖然佢好想去，但依然會硬頸要工人或者爸爸幫佢著。咁我會同爸爸話陣間經過超市睇下x雪糕有無減價先。嘩，佢一聽到，著得快過我地，仲會催你行得未。我唔知對你個仔得唔得，起碼我個兩歲幾既間中用呢招都可以，希望幫到你。

kk2008 | 2012-05-10 13:18

DEAR SUPER SANDRA,

HI 因事態嚴重, 我可能9月要quit左份工去帶小朋友返k1, 請解說:

我有對孖仔3yrs, 大孖正常發展, 有溝通有笑有哭有商有量, 細孖好有性格, 工人姐姐亦都對他照顧周到, 係一個港孩!!! 細孖對唔鍾意既事情, 只會黑面發皮氣掉野打人唔同人溝通,我懷疑佢有情緒病.

e.g. 1 飲完支奶黎手就掉左個奶樽, 真係想一把二手把打佢(當然無打過啦, )!!
e.g. 2 細孖夜晚唔刷牙, 我無佢付, 試過一次強迫佢刷, 一路CRY一路刷, 但刷完又無野, 無發皮氣, 我唔可能日日用強迫方法, 我覺得佢係LAZY.

因黎緊9月可能無工人姐姐, 佢無得發皇子病,我應該採取咩方法去改變細孖呢??? 其實有時大孖都會compliant 細孖?? 我唔識處理, 請指教!

另外, 我要面對返k1問題, 因之前返過幾個月N1 & 興趣班, 跟本佢地(twins)都好好好怕羞, 只有cry, 同要我抱, 唔肯返學.......黎緊9月k1無得話唔返, 如果我係一對一既, 我都有信心, 但係我要一對二, 2個都話唔返, 一講返學就cry, 大孖好d問我可唔可以陪佢一齊返, 但細孖完全係超出3yrs人仔既思想, 唔鍾意老師, 又話要係屋企(=要自由), 我覺得細孖認為返學比人管 & 要佢合作, 佢知道無得做皇子.......真係多得工人姐姐3年的仲! 我可以點收科呢?

:igiveup::igiveup::igiveup:

Minniebaby | 2012-05-10 13:31

回覆天山雪蓮的帖子 Hi, 天山雪蓮,

thanks your sharing, i try my best, we're add oil together

Minniebaby | 2012-05-10 13:41

回覆 SandraLo 的帖子 Hi, SandraLo,

我試過讚他, 好跨張哋, bb 你好叻呀, 媽咪教你一次就識, now moment 他好興奮, 但三兩次之後, 又打回原形, 他看來好睇佢自己心情及情緒, 我相信仔以我觀察你睇我仔仔的完全中晒, 他是個轉數幾高的小朋友, 他幾聰明, 但脾氣極差, 我之前舉例的行為, 我已經try 過好多方法, 頭三兩次是work 的, 但之後又打回原形, 所以我always 要諗新招對他.

如 - 當食物熱時, 我會教他吹下佢, d 食物會快d 凍, 於是他又發忟憎話, (我唔吹, 我唔鐘意吹, 媽咪你幫我吹, 他的語氣是非常忟憎的), 之後我會話, 你大個仔, 你試下自己吹, 拿媽咪都係自己吹, 好快吹凍就可以食, 一係媽咪同你一齊吹, 之後佢會話, 咁我唔食喇, 佢真係唔食的.........

問題太多, 煩指教住我現在的幾個日常生活會常發生的壞行為先, 也許我領悟到個真諦時, 我會處理得好d, 謝謝指教, 專家大人 !!

煩惱的媽咪上

SandraLo | 2012-05-10 18:04

adallfad 發表於 12-5-9 13:38
回覆 SandraLo 的帖子

謝謝Sandra回覆

可能因為與老人家同住，他扭就會有，但老人家無得改，說了無數次，攪到我都無心機對細佬執到正

adalfad :

如有老人家同住, 真係冇得搞, 唯有要教就帶佢入房關埋門, 咁樣做起碼佢唔扭你, 淨係扭老人家！

SandraLo | 2012-05-10 22:18

Quote:天山雪蓮發表於 12-5-9 21:00

佢兩歲三個月啦。好多時都係得唔到想要既野，或者以為自己做錯事（唔小心跌左隻杯），就發脾氣。有時會無原 ...

天山雪蓮：

扭一樣嘢唔俾, 喊都唔俾嗰樣嘢, 但你照當佢冇喊咁對佢就ok, 唔駛特別話嬲或者唔啋佢, 你會唔會係表現出嬲佢, 所以佢大驚喊呢？
佢喊緊時你係唔會抱？係咪一向都係咁, 佢知唔知？

snowsara1127 | 2012-05-10 22:41

看了你的文章，真的好有用！我女21個月，近呢两星期開始發脾氣，在家用讚用不理彩都開始有效…但一去街就不受控！次次去完要返屋企，她就好唔情願，喺度發脾氣，我試過不理她，但她仲坐响地下好嬲但無喊…可以坐好耐，我特登行遠些，她好似當我無道……日日和她爭持差不多一個鐘，最後都要我夾硬拖她回家，但回家過程她不斷爭扎，又喊又叫，旁人仲响度鬧我唔識教女，不斷鬧我…我唔知我應該點教…我而家真係唔想去街，樓下d人個個都認得我同我個女……好似標籤咗我唔係一個好媽媽，我個女係壞細路… 我真係好迷惘 ………………請教教我

SandraLo | 2012-05-10 23:11

Minniebaby 發表於 12-5-9 11:26 回覆 SandraLo 的帖子

Dear Sandralo,

好感動你百忙中的回覆.
你好勁, 我的確是常常同啊囝講道理, 而且他的確是好精及古惑的小朋友 !!

Minniebaby :

(續昨)

下次表姐要嚟玩之前, 先預告唔可以打表姐, 簡單講打人就罸 naughty chair, 亦叫定佢如有唔想俾表姐玩嘅心愛玩具, 就先收起(幾件), 其他就全部要 share, 亦可以叫表姐帶一兩件玩具嚟, 到玩嗰陣 keep 住讚, 佢忍唔住真係出手打人亦要真係罸 ~~ 最緊要係唔好怕佢喊同講d 唔好聽嘅說話, 例如你唔錫我之類.

唔洗手 ~~ 洗手係因為去廁所摸過嘅嘢會有菌, 唔洗？可以, 個後果係企响度唔好郁乜都唔好掂, 要模其他嘢先至洗都得.
洗腳底腳un-un ~~ 呢樣好危險, 叫佢大力敲吓浴室瓷磚同房嘅木板, 話佢知响浴室撞到頭都穿, 到下次再係咁, 係我會大力打落去 pat pat, 痛到佢唔敢再做, 記得一定要大力到痛先有效, 冇其他辨法, 撞親個頭一次都可以好大鑊！

SandraLo | 2012-05-10 23:27

Quote:kk2008 發表於 12-5-10 13:18

DEAR SUPER SANDRA,

HI 因事態嚴重, 我可能9月要quit左份工去帶小朋友返k1, 請解說:

kk2008 :

:happy:第一次有人咁叫我！

你話細孖有情緒病, 主要係因為脾氣？佢語言能力點？
你同佢地有冇一個特定嘅講故事時間？坊間或圖書館有d 書, 係為小朋友預備返學而設計, 俾媽咪每日一版咁話俾小朋友知返學係点, 有定d 心理預備, 你可以揾定嚟同佢地講！

你話佢地都好好怕羞, 對親戚如何？不說話？其他小朋友呢？例如在 playground 呢？