你好Sandra,
我知道你很忙, 好多媽媽向你請教教小朋友問題, 本想不打擾你, 先問身邊朋友, 但未能改善. 所以在此想花你少時間, 希望可以幫到我及小朋友. 盡早解決問題.
我囝囝而家22個月, 唔識講野, 只識叫爸爸媽媽, 其他發展我覺得正常, 但愈大脾氣開始愈差. 我是全職媽媽, 平時主要我照顧佢, 本想教導佢成為有教養, 有規距的小孩, 在他還少時, 家中很多東西唔比佢搞, 而家大了, 佢開始好奇, 我都開始軟化, 唔危險的就由他. 但有時停止佢某行為, 或者唔比佢玩緊佢玩的東西, 就好抗拒, 現在出去上PLAYGROUP, 停止一些活動時都係咁, 在外大吵大鬧, 我真係有點無奈. 試過用惡的方法, 唔得, 而家用溫和方法, 亦唔得. 另外就是有搶人玩具問題, 細時叫佢跟人SHARE玩具, 佢好樂意去做, 到而家, 我一同佢講SHARE, 佢就擰頭, 可能要講好多好多次, 去勸佢先肯. 最後一樣就係打人, 早幾個月佢唔乖我有打佢, 後來覺得唔WORK, 亦唔想佢照做, 我已經冇打佢了. 但佢一唔開心, 例如我停止佢行為, 搶唔到別人玩具後, 就會打我/小朋友. 佢知道唔O岩的, 但我發現佢情緒激動時講咩都唔得, 試過用你IGNORE的方法, 但佢好似唔受呢個方法. 好似尋日咁, 睇完卡通DVD, 已經做完了, 我關機, 但就發脾氣, 我IGNORE佢, 佢就愈黎愈激動, 喊左成個鐘, 跟住我移下個櫃, 分散佢注意先停下來, 但之後成晚都比平時激動, 少少野就扭.....對於佢而家咁我都有D頭痛, 在家都還可以, 在外面上堂, 佢咁樣我都唔知點HANDLE, 而家上PLAYGROUP真係令我有D壓力....怕佢搗亂, 打小朋友, 發脾氣大喊..
不過今日我發現一樣野, 因為平時會去開一間PLAYGROUP, 有位EE就話得佢聽, 叫佢唔做, 佢真係肯停, 頭先佢打小朋友, EE罰佢坐NAUGHTY MAT, 在家未試過, 開頭我都諗佢會唔會唔肯坐, 會走開, 因為冇野圍住, 但最後佢都坐, 一邊坐一邊喊....
你可唔可以比D意見我應該點做? 我知道我而家教佢方法唔WORK, 另外就係佢係怕外人多D, 不過我當然都想佢聽我教, 我覺得我仔係好硬頸, 情緒好難控制, 佢一喊講咩都冇用, 喊完同佢解釋番件事, 佢先肯聽同SAY SORRY.
唔好意思, 阻你時間, 希望方便時可以教下我. 令我盡早可以令小朋友的壞習慣糾正過來.萬二分感激!!!!
|
