| moonsay2001 | 2005-06-27 23:43 |
| 我仔仔依家讀緊K2(四歲半), 早幾個月因為佢第一次要默書, 咁我梗係同佢好努力咁溫, 希望佢識, 連續溫左三日, 點知派默書薄既時候, 我發現咁多個字, 剩係答岩一個. 我即時面都黑埋, 因為我吾明點解同佢溫咁多次, 佢仍然係吾識, 個心好吾開心. 仲鬧佢. 跟住再同佢溫番佢吾識默果的. 點知越溫越差(因為佢已經好驚), 佢吾識我仲更加嬲, 即時入左房好大力關門. 跟住婆婆同個仔講...你要比心機先得果的說話, 我個仔完全吾知應該點做. 剩係好驚咁企左係我房門出面. 企左好耐好耐 (婆婆之后同我講), 因為我係房內面完全吾知佢一路好驚咁企係房門外. 我係房度冷靜番既時候不停問自己點解會咁架, 佢只係一個四歲既小朋友, 你想佢點, 最多吾識米溫到識, 做父母既吾係你付出幾多就可以收番幾多. 因為今次係我第一次遇到這問題, 完全吾識去處理. 我吾應該發個仔咁大脾氣. 跟住我走去佢間房, 我見佢用張被蓋住左半塊面個樣仲係好驚, 因為我諗佢出世到依家都未見過我咁惡, 我跟住抱起佢.同佢講. 媽咪 : 家軒對吾住, 媽咪吾應該發咁大脾氣, 你係吾係好驚? 佢話 :係 媽咪 : 其實今次默書吾得, 吾緊要啦. 下次努力. 跟住佢話: 媽咪你放心啦, 我以后一定會比心機架啦, 我上堂吾再XXX(同學名)傾, 老師講野我會留心望住克板, 下次一定識架啦. 媽咪你吾好嬲啦. ----聽完之后好鬼感動呀. 跟住攬住個仔喊左一陣....!!!! |
| 小米米 | 2005-06-28 20:13 |
| 米媽媽好眼瞓:「愛豬……你佳啦, 去搵…daddy 玩啦, 媽媽尋晚開通頂……個頭痛c 喇 ( 指住個頭 )……」 Audrey 爬上我個身, 攬住我 :oops:我沒有理她,想繼續瞓…… 跟住, Audrey貼住我耳仔:「呵呵… 佳 ( 乖 ) 媽媽…呵呵…… 」 o個一刻,條頸有d 痺 :oops: 個女「呵呵」好溫柔,平時佢叫我起身好粗魯,今次,佢真係知道媽媽好辛苦 :oops: :oops: 聊以為記…… 我的乖寶寶 :oops: |
| tatacat | 2005-06-30 16:12 |
媽咪: 彤彤妳最錫邊個? 彤彤: 媽咪 爹地: (扮嬲) 彤彤妳….最錫邊個 |
| yinyin | 2005-07-01 00:19 |
| mummy 我覺得訓在你張大床同你傾心事, 個心好似食左咖喱 我個女最鐘意食咖喱, 連學校的茶點都要帶咖喱. |
| Dickyma | 2005-07-03 10:19 |
| 媽,你唔好喊,好快會無事. |
| 瑩瑩 | 2005-07-05 09:46 |
| .....o岩o岩同 4 歲既囡囡睇完套<老友狗狗>，劇情有寵物離世，係佢第一次正正式式接觸到乜野叫做"生離死別"，雖然我地無養甚麼寵物，但佢都好似好明白"死亡"既意思咁。:cry: 我：任何生物/動物都會老死架 ...（暫時解釋比佢知老先會死） 囡：媽媽，我唔想妳老，唔想妳死 我：傻豬，囡囡越大個，媽媽又跟住越大個，咁越大個D 慢慢就會老，老左咪會死囉，每個人都必定經過架啦... 囡：我唔想妳老，唔想妳死 （喊晒口，成苞眼淚係眼晴），妳死左無人照顧 Jackie 架喇:cry: 跟住............2 母女攬住一齊喊。 :-( |
| cutebabybaby | 2005-07-05 12:23 |
| 今天, 仔仔小一派考試成績. 老公, 我和仔仔一起在公司時, 突然奶奶來到問仔仔成績, 仔仔望望我後回答說媽媽說還可以的, 但還要再努力. 奶奶便給仔仔錢說是奬勵他的, 仔仔不敢收一路望著我, 口裏回答說不要了. 這時奶奶突然說不要聽媽媽的話, 只是讀書不看電視; 不要看媽媽, 奶奶給的錢便收....... 奶奶走後, 這時內心一路很不舒服, 也不知如何好; 仔仔突然說 媽媽不用擔心, 我不會不聽你的話, 我知道你是為我好的; 我會孝順你的. 這一刻內心真的很高興, 老公走來抱起仔仔, 大家互望一起笑起來. |
| 小米米 | 2005-07-05 23:33 |
| Quote: yinyin 寫道: mummy 我覺得訓在你張大床同你傾心事, 個心好似食左咖喱 我個女最鐘意食咖喱, 連學校的茶點都要帶咖喱. yinyin 我真是很喜歡你囡囡這一句 :oops: 小朋友好直接,好純真, 形容好直接…你要好好記住 :-P 瑩瑩, 你跟Edith 所講都一樣 我都好期待個女咁講,到時跟她一齊 :-( |
| 東京mewmew | 2005-07-06 02:36 |
| 個仔好錫我老公, 成日話最鍾意爸爸, 攪到我老公錫到佢 |
| 東京mewmew | 2005-07-06 02:39 |
| 我個女就成日話"媽咪, 你唔好死呀.........我好驚你死" 佢重要係想喊想喊咁講 |