論盡家傭

跳至

首頁
1

尾頁
   1


大宅

積分: 4761

畀面勳章


發表於 13-1-26 01:18 |顯示全部帖子
我家BB而家歲半,5星期前開始發現食量減少,我以為佢出牙仔痛所以不想食,直至4星期前開始有反胃,我仍然沒有發覺,咁啱嗰排病咗,以為係唔舒服才反胃,直到3星期前開始嘔吐,再睇醫生,話可能痰未清晒,所以嘔,到兩星期前,嘔吐情況更嚴重,吃什麼嘔什麼,而且是噴出來地嘔,再去睇急症,又話睇唔到咩嘢原因,叫我再觀察,沒有好轉或繼續轉差就再去睇,今晚再去睇急症,醫生問了詳細情況,我再問,如果工人用過清潔劑清潔地方或玩具而沒有過水或過水不清,會否出現這些徵狀(嘔吐、發呆、常昏昏欲睡),醫生便說有這個可能,現在開了止嘔藥給BB,叫我給他吃清淡,再看看情況,他說就算誤服份量也不會太多,先試讓身體自行排出,若沒有好轉便要回去再睇,叫我繼續觀察〜〜〜
為何我會這樣問醫生,因為今早送完大囡返學,回來時見到舊工人(這個工人在31號便會離開,新請工人星期二時便已到我家,現在有新舊兩個工人)正在清潔,放了支藍威寶和一支BB清潔劑在地上,見她正在抺玩具,但我回來她便把停手不再清潔,把不知係咪已清潔乾淨的玩具放回,我問她你洗玩具用完清潔劑有無過水,佢話無,我即刻好惡問佢「無!?」,跟住佢又話有,我話即係有定無,佢再話有過水兩次,我叫佢再做一次我睇,佢攞咗條布入廁所,用盆仔裝水洗一次條布後倒咗啲水,如是這3次,再擺布出去抺玩具,抺完一件再攞布入廁所洗,我叫停佢,我問佢你係咪每日都咁做,佢話係,我話你如果真係咁做嘅你無可能一個鐘內抺晒所有玩具和家俬,佢再籍口話BB瞓咗覺時做,我即刻勁anger罵佢,每日BB瞓覺前你就入房瞓,我入咗房關埋門唔代表我有一齊瞓,個廳有無聲我聽到架,屋企有裝cam,你有無出過廳我都睇到架,你瞓到BB食完晚飯先出嚟,你同我講有做!?你當我(龍)咗定盲咗呀跟住我抺一次佢睇,如果用過清潔劑要咁樣每件抺3次,而且我講過BB嘢用溫水抺唔好用清潔劑,如果用咗清潔劑就一定要過3次清水直至抺清清潔劑為止,然後我又走入房開住cam睇佢抺,我走開佢就求奇抺咗幾件就又走番入房
之前已經好多次見佢噴完清潔劑抺無論家具定地墊定玩具都無過水,已講過亦罵過無數次,今晚同屋企人食飯做節,佢哋一見到BB都話佢唔妥,跟住就又勁嘔,我便同他再去睇急症,醫生便給了我以上意見,佢話就算係,睇BB反應好在份量也不多,日子也不是太長,否則就等同食慢性毒藥,如果這幾天吃了清淡有好轉就應該無咩嘢後遺症,否則都幾麻煩,現在只希望這幾天情況會好轉,否則我也不知點算了
今晚在醫院時已叫新工人不可再讓舊工人接觸任何清潔劑、BB食物、所有食具和所有飲用食水,亦已叫她清洗所有食具和換晒所有飲用食水,也叫她明天全屋清潔一次,以防還有遺下的清楚劑
各位媽媽:你們也要小心留意小朋友健康狀況




禁止訪問

積分: 2412


發表於 13-1-26 01:25 |顯示全部帖子

版主 的帖子

提示: 作者被禁止或刪除 內容自動屏蔽


男爵府

積分: 8250


發表於 13-1-26 01:43 |顯示全部帖子

回覆:jc0515 的帖子

一係唔抹,一係我自己落手抹,叫佢地抹仲衰過唔抹,一黎唔知佢塊布既來歷,二黎叫佢地過水都徒氣,洗塊布都唔乾淨,我堅唔會信工人姐姐,我寧願自己抹


珍珠宮

積分: 41472


發表於 13-1-26 10:31 |顯示全部帖子

引用:我家BB而家歲半,5星期前開始發現食量減少

原帖由 jc0515 於 13-01-26 發表
我家BB而家歲半,5星期前開始發現食量減少,我以為佢出牙仔痛所以不想食,直至4星期前開始有反胃,我仍然沒 ...
你帶bb 睇急症個陣同醫生講個工人咁對你bb, 問醫生可唔可以報警,再到註院警崗報案有人虐兒,罪成唔駛比一個月!

仲可以即炒!



大宅

積分: 4761

畀面勳章


發表於 13-1-26 10:37 |顯示全部帖子

引用:Quote:原帖由+jc0515+於+13-01-26+發表我家

原帖由 小mama 於 13-01-26 發表
你帶bb 睇急症個陣同醫生講個工人咁對你bb, 問醫生可唔可以報警,再到註院警崗報案有人虐兒,罪成唔駛比一 ...
因為佢唔係刻意比BB食清潔劑,而且每次份量只是很微量,亦無證據顯示佢係刻意或疏忽照顧嬰兒,佢只是清潔不給力擺了,所以無得告(除非影到佢刻意比將清潔劑加入BB飲食中或食具中)




珍珠宮

積分: 41472


發表於 13-1-26 10:37 |顯示全部帖子

引用:我家BB而家歲半,5星期前開始發現食量減少

原帖由 jc0515 於 13-01-26 發表
我家BB而家歲半,5星期前開始發現食量減少,我以為佢出牙仔痛所以不想食,直至4星期前開始有反胃,我仍然沒 ...
我工人新黎一個月,我就有胃痛出現,睇佢10分鐘洗晒碗,我趁佢沖涼去check 啲碗發現一陣洗潔精味,我再過下水就冇左, 跟住有一晚我直接同佢講,太太對洗潔精敏感,食左會胃痛, 請得多病假太太公司會唔滿意,跟住叫佢過耐d, 好好彩,佢有做到, 我之後胃痛都小左。

你個件賤人,比我就係醫院報警拉佢,再攞晒d玩具驗下有冇清潔劑痴住,唔知可唔可以,不過我會試,整傷我bb我同佢死過真係!


大宅

積分: 4761

畀面勳章


發表於 13-1-26 10:39 |顯示全部帖子

回覆:工人清潔求奇,BB有誤食清潔劑徵狀

只是日積月累所以有些症狀擺了,都係嗰句,香港政府只保障外人




珍珠宮

積分: 41472


發表於 13-1-26 10:39 |顯示全部帖子

引用:Quote:原帖由+小mama+於+13-01-26+發表你帶

原帖由 jc0515 於 13-01-26 發表
因為佢唔係刻意比BB食清潔劑,而且每次份量只是很微量,亦無證據顯示佢係刻意或疏忽照顧嬰兒,佢只是清潔不 ...
咁冇辦法,叫佢唔好洗,咁我寧願自己洗,好個bb傷左我心痛!


大宅

積分: 4761

畀面勳章


發表於 13-1-26 10:41 |顯示全部帖子

引用:Quote:原帖由+jc0515+於+13-01-26+發表因為

原帖由 小mama 於 13-01-26 發表
咁冇辦法,叫佢唔好洗,咁我寧願自己洗,好個bb傷左我心痛!
係〜〜今日叫新工人全屋大抺,叫佢睇住舊工人唔準佢接觸所有清潔劑




侯爵府

積分: 24263


發表於 13-1-26 11:07 |顯示全部帖子

回覆:工人清潔求奇,BB有誤食清潔劑徵狀

我除左叫工人抹地抹牆之類用清潔劑外e玩具果d一律唔好搞、我相信細菌係可以適應\清潔劑唔得、玩具我多數大洗一次、唔靠工人、工人真係當少主係仔咁鍚e當然難得、但唔鍚时真係地底泥咁e個舊工人我一定即踢佢走\留多一日都驚佢玩野


大宅

積分: 4761

畀面勳章


發表於 13-1-26 11:41 |顯示全部帖子

引用:我除左叫工人抹地抹牆之類用清潔劑外e玩具

原帖由 lazywife 於 13-01-26 發表
我除左叫工人抹地抹牆之類用清潔劑外e玩具果d一律唔好搞、我相信細菌係可以適應清潔劑唔得、玩具我多數大 ...
其實我自己都唔中意樣樣清潔用清潔劑,除咗洗碗、拖地同洗座廁〜〜〜都係自己衰,仲咩嘢比工人揀用唔用清潔劑丫,一早落實order唔準用咪無事,仲咩要話:「我自己唔中意用清潔劑,不過如果你想用嘅過清清潔劑就可以。」工人唔信得架嘛,點解我仲唔明仲咁大意仲要同佢哋講咩嘢公平信任,而家攪著個仔喇




侯爵府

積分: 24263


發表於 13-1-26 11:52 |顯示全部帖子

回覆:jc0515 的帖子

唔好咁傷心、工人真係你話一句佢做一下、唔會考慮之外既野、所以下次訓練新工人要講到明、做到底、我工人就係咁、二十度叫佢著兩件衫、十度唔話著多d,仍然著兩件衫、吹漲、之後就要自己硬性規定點著衫e著咩衫、我工人唔係唔好、係太死牛一边頸、我奶樽都係清水洗、玩具浸熱水、清潔劑一律少用!


別墅

積分: 957


發表於 13-1-26 14:05 |顯示全部帖子

回覆:工人清潔求奇,BB有誤食清潔劑徵狀

我個印用超多清潔劑,依家我買左個好大的空bottle, 將一半潔劑倒入,再加水,1比3(水)的分量。每次用完同我講,我再溝。反正佢都唔聽我講,不如溝希d俾佢用。少d危險。每次用餐,我都再用熱水沖完先用。我新工人快到,打算教佢洗完碗后再用一盆熱水過水。我家有2個小朋友,冇辦法,唔想出事。




首頁
1

尾頁

跳至