傷口開始好起黎…親友間好多人談論我既事情, 同埋替我不值. 我唔係無諗過投訴, 但係…
1. 當時只可選擇做定唔做手術, 醫生又講到8成係宮外孕, 一迫爆輸卵管就危險, 比著你地都揀做啦, 命仔要緊. 我自己簽左紙同意做, 有晒black & write, 邊有得嘈. 裡面又無講到明100%係宮外孕, 仲話手術過程有風險添. 即使之後唔係, 你又吹佢唔脹既
2. 口同鼻拗既point都無得嘈, 我話你無講但你話有,我又可以點吖, 服務既野, 政府最多咪hea答我<溝通有問題, 有代改善>之類, 邊會同你saysorry, 講錯一句好大獲架嘛
話咁快又覆診, 今次見既醫生我都唔記得係咪上次果個, 因為由急症, 檢查, 做手術, 覆診, 次次醫生都唔同, 我都記到好亂. 由於傷口好左好多, 我都無咩講…今次醫生態度都係好好(唔知係我麻煩定佢地理虧於我)
醫生: 傷口好左好多嘞喎, 你仲有咩問題?
我: 傷口無問題, 但你地上次話我個水囊會人體吸收, 都唔知係唔係, 我仲係擔心, 你可唔可以幫我check下? 同埋小產後, 依家無血流, 係咪裡面d野清晒就無野架 (上次醫生話唔駛挖宮)?
醫生: d血流清就無事架嘞, 個水囊呢真係會吸收架, 但如果你擔心, 我可以幫你再照陰超
醫生檢查中: 個水囊無左嘞…
我: 咁係咪我所有野都正常?
醫生: 係啊
醫生係我同老公面前, 略略講返我之前發生既事 (都係解釋下),話既然依家無晒事, 咁close file 架嘞, 所有事情都會完結 (呢句所有事情都會完結佢重複幾次, 我有d覺得好鬼)
我都諗住就讓一切隨風~但覺威院做野啡啡漏, 所以決定去私家check下, 買個安心.
Ring ring ring~電話響起, 孫醫生 (不便開名)醫務所打黎, 姑娘提我去… 好諷刺…原本一心係睇BB, 依家變左小產後檢查,心裡有點不是味兒. 我同姑娘講改檢查, 佢問我點解, 我簡單講返流啡, 流鮮血, 跟住無左….佢都有安慰我, 不過問我點解流啡唔打去搵醫生, 我答未到排期日嘛>.<, 佢話你可以打黎架, 有咁既情況我地可以俾你插快期, 醫生會見你架 (我真係唔識咁多野, 又上左一課)
朋友介紹既孫醫生, 診所係TST, 入到去好舒服, 裝修好靚好豪華, 仲好多醫生既雜誌訪問, 同埋媽媽既讚賞信, 我開始擔心, 會唔會好貴呢? (埋單發現又OK喎). 我同醫生講晒發生過既事, 佢聽完仲激動過我, 嬲到不得了. 後來佢叫埋我老公入去, 然後幫我照陰超, 佢碌黎碌去, 都好仔細, 之後面色變得凝重, 面都燶埋咁同我講,我照到你卵巢有個瘤!!!!
(我聽到簡直晴天霹靂) 醫生: 初步懷疑你係畸胎瘤, 我都希望你唔係, 希望呢個係威院講既會吸收水囊 (明明吸收左, 點解會咁! 輸卵管又點解變左卵巢!!!),我寫封信俾你, 你試下返威院問返個主診醫生, 當日做手術時見到D咩? 因為佢睇過會清楚d, 唔好太擔心, 初步懷疑啫, 你過2星期再返黎, 睇下仲係唔係度? 或者無左呢! 不過如果真係仲係度既話, 真係唔好意思, 我諗你可能要做多次腹腔鏡手術 (微創).
我問過醫生, 呢個懷疑既瘤size係無可能由我出院後, 到睇佢呢段期間 (約3星期至一個月內)形成.
由於對話太長, 我實在不能盡錄! 雖然仍未證實, 我同老公除左擔心, 今次真係火都黎x埋!!!
(待續) 找威院晦氣篇