注:今集附有不雅&不當行為,請各jm唔好學我......咁衰hee hee~
正所謂要嬴人先要嬴自己...對付[惡搞]99就要先過到自己心理關口~
今集講下我點樣由一個軟弱既新袍仔,強化成為衰新袍仔!!!!!!
(第一招)
6299向c6洗腦洗咗30幾年~...搞到c6遺傳咗佢好多惡習..例如懶散/唔沖涼/周圍dum垃圾/採礦/採青之後手周圍摸..d全身不同便類(如眼便,鼻便,耳便)就咁彈落地下....
我家庭生活習慣剛好同佢相反, 我老豆有潔癖既...所以我母親大人日日打理屋企到一塵不染,而我地細細個撩鼻便既話,會被老豆視為嚴重不雅....如果有清潔需要,我地係用tissue呻...唔淮用手指....
好,,,,,既然係咁, 我就以其人之道還致其人之身....仲要核突過佢~.....
佢撩...我都撩....我要企正係佢面前撩比佢睇~
c6一向知我唔會做埋d咁野, 但見到我學佢老母係咁起勢咁撩.....呆咗~
(我自覺好核突, 但我不入地獄誰入地獄呢...我今次仲要破佢地獄)
佢彈落地...我..就撩完摸落去佢個身上.....c6好驚!...佢話:[老婆你痴咗線呀~好肉酸呀~~~~~~]
我同佢講: [我都係想溶入你地個福建家庭,一齊撩鼻屎無彊界!...你每撩一次, 我無鼻便都會根住一齊撩...之後你彈落地....我就直接摸落你身上, 衫, 電話. 電腦, ipad等....直到你識用tissue 唯止~]
革命第一次勝利~
(佢驚咗我~...而家見佢老母係我地頭想撩便...只要我申定隻手指比c6睇到...佢就會阻止佢老母).
(第二招)
99 好鐘意變臉, 人前人後兩個樣~ 先前c6一齊佢會慈祥老人咁樣....如果得我一個, 就會陰險老人咁樣.
先前因為心裡守著一種[尊敬]既諗法, 所以成日受99唔少閒氣~...我身型瘦又會比佢鬧, 著瞓覺衫係屋企, 又會比佢串(痴線瞓覺唔通著suit咩~) 受埋好多無氣取鬧既閒氣~
演技派既99既然決定做初一, 我就做硬實力派既15~
A PLAN) 當 c6+我 撞到99, 99又出示烚熟狗頭樣既時候....我又何嘗唔係出示誠懇既sales 笑容比佢....
對答: 係呀...係呀...係呀.....
B PLAN)當 我撞到99, 99會出示黑個獲撈既包公樣.....我就立即示出天九邪惡既面孔接招....佢問乜我都會答: 唔知!!!!
C PLAN) 當99玩野向C6指控我衰既時候...C6問話時...我馬上標童~出金枝慾孽 玉塋小主上身: [我無呀...我真係無呀, 99一向唔鐘意我..我知~.但係我乜都冇做過來害佢架~]
D PLAN) 當99直指我,話我呢樣個樣時....我就標萬皇之王 全皇貴妃上身: [呢D咁少既事, 唔好勞煩C6了, 你都唔想你個仔覺得你煩, 討厭你架! 我勸你得閒就執下間屋, 唔好再嘥時間係呢D無謂既小動作上...大家都冇好處,我唔得閒同你玩!]
革命第二次成功~~~
(家下99知我地港女咪唔係易恰既!!!!!)
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!