自由講場

收藏本版
發帖
返回列表
跳至頁

首頁
1234

尾頁
   0
Sumyeema1


象牙宮

積分: 218651

2024年龍年勳章


1#
發表於 10-4-13 13:31 |只看該作者
係經濟日報睇到既文章, 講得真係好0岩

http://hk.myblog.yahoo.com/misssheep-sheep/article?mid=4

以下係一篇我係討論區發表的文章:
80後買樓
一直以黎,我係discuss都係「塘邊鶴」，好少發post.但呢排睇到唔少人講80後買樓問題，令我有感而發，同大家分享一下。

我係80後，都係大學生，仲要係三大其中一間既畢業生。一直以黎，我都係屋企既希望。一家住公屋，一家五口只有老豆萬多元收入，所以屋企都好想我大學畢業，可以改善家庭環境。但好不幸，畢業時正值03年沙士，當時大學畢業生既起薪點大概係6000至7000蚊。同年我老豆又退休，兩老都需要我份家用，真係屋漏更兼逢夜雨。

03年我寄左差唔多二百封信，見左幾十份工，都無一份請。我第一份見既工係同我本科完全唔相關既物流文員，人地問我「你咁既學歷做文員，會唔會有0的委屈?」，當然最後佢都無請我。果陣見工行到腳都損，有一次忍唔住係街度喊左出黎，問自己點解會咁慘? 最終幾經辛苦終於搵到一份同本科有關既工作，月薪8000，對當時既我，已經係欣慰。不過睇住人地學歷同我差唔多，人工高我咁多，真係覺得好唔抵。

我好記得自己第三個月出糧，係1月份，亦係第一期grant loan還錢既時候。8000蚊月薪，4000蚊俾屋企，4000幾蚊還grant loan,一出糧乜錢都無洗過就嘔突，真係心傷。果陣唔好話買樓，開飯都有問題。

果時我不時思考自己既出路，終於有一晚俾我諗到: 我成日以為自己係名牌大學畢業好叻，但諗深一層，我毫無經驗，而比起同屆畢業生，我又無過人之長，咁人地憑咩請我呢? 記得果份物流文員，人地要求我打字，但我打左老半天依然未打完，仲要錯字連篇，人地又點請我呢? 於是，我努力做資料搜集，知道原來香港有好多只需花幾百蚊去考，但政府認可既資歷、證書。我係半年間，放工後隔晚去上堂，再返屋企溫書，雖然辛苦，但考到唔少資歷、證書。

重新裝備後，我再去搵工。結果僱主睇到我呢半年不斷進修，覺得我努力、肯學，終於請左我。我終於做到自己想做既工作，人工亦加左一倍，到約16000蚊，不過之後就減薪，減左千幾蚊，但對於當時既我，好似中左六合彩頭獎咁。

多左人工，但我無亂洗錢，第一個目標唔係買樓，而係還GRANT LOAN。由於我係大學時拎到相等於一年學費既獎學金，再加上我一直以黎既儲蓄，同埋慳慳埋埋既GRANT LOAN餘款，我終於係05年，比還錢期限早三年一次過還哂GRANT LOAN。雖然無債一身輕，但荷包亦輕到飄起，又要重頭再儲。

還哂GRANT LOAN，我終於可以計劃一下自己既財政。06年我同男友計劃結婚。佢同我都係公屋妹、公屋仔，無咩家底，於是要一齊儲錢，亦計劃買樓。我地都係慳家一族，環境最差既時候兩個人分一個美X快餐食，但日子就係咁過。而我係一年半以來努力做資料搜集，睇下有咩適合既樓盤。

係努力之下，08年我地終於係市區買左一層約200萬既樓。好多人都要求買新樓，但我卻只求安樂窩。雖然樓齡10多年，只有約五百呎，但兩口子已夠住。最開心既係單位兩個房都向海，真不枉我做左咁多資料搜集，去左咁多區睇樓，終於有自己既安樂窩。單位做九成按揭，首期都係20萬，連雜費約三十萬。由於我鎖定已裝修單位去睇，連裝修費都慳返。層樓按30年，月供都係8000幾蚊(連管理費)，對而家家庭月入約4-5萬蚊既我地，負擔不重。就算上年金融海嘯，我男友俾人裁員，靠積蓄都依然供得起。

而係呢幾年，除左買樓，我地仲係早幾個月前結左婚，婚禮所有洗費由我地負責;我仲係兩年前開始讀MASTER，今年結婚兼畢業。

係咁多年黎，我都無點投資股票，但依然可以做到結婚、買樓同埋讀書，同時每個月都俾家用屋企，一切全靠儲蓄同埋財政規劃。

係呢幾年，我放棄去買名牌、買貴衫、幾乎無去過旅行。可能你會覺得好難，但如果你真係想買樓，你就會放棄得到。到而家我結左婚、買左樓，有唔少朋友羨慕，而我而家仲有大把時間可以搵錢去買呢0的奢侈品，何需急於一時?相反我有唔少朋友成日換電話，又i phone又i pod,一年去幾次日本，但就歎樓貴買唔起，我真係愛莫能助。

大學生，其實就算唔係大學生，係出黎社會工作頭幾年一定係要捱，買唔起樓係必然既。係我打8000蚊一份工仲要還grant loan既時候，我絲毫無諗過要買樓。無咁大個頭，何解要戴咁大頂帽? 如果一畢業/畢業頭幾年就個個可以買得起樓，咁即係代表樓宇已經無價值，不買也罷!而家唔少同我同齡或者年紀比我小既80後大學生，拎住學位打份萬幾蚊既工，好似我當年咁怨天怨地。少不更事固然係原因，你當然可以繼續怨，而討論區都係俾你怨既地方，你無唔0岩，但世界唔會因你怨而停住，樓依然咁貴，或者更加貴，倒不如想想點樣可以裝備好自己，搵一份人工高0的既工作啦!希望睇完我既分享後，會幫到你。

當然，我都唔認同發展商起縮水樓，同埋認為政府應該復建居屋，等人地有多0的選擇。但經我呢幾年不斷搜集資料，其實港九新界都真係有唔少百幾萬既細價樓可以買架，你去中原地圖查下各區成交就一清二楚。所謂"上車盤"，即係樓既入門階，層樓買左係可以賣架嘛!暫時住住先，待價而沽，就可以換另一層大0的既樓啦!唔需要一買買成千呎新樓呀!如果幾年都唔將就，咁就真係到頭髮白都無辦法買喇!又前年、上年既價都唔高，咁點解之前唔買，今年貴先黎話買呢?簡直違反投資原則。而家每幾年就一次調整，想買樓既無需急於一時，可以儲多兩年錢，等平0的再買啦。如果你又嫌舊樓舊，又嫌面積細，但自己又係洗慣玩慣、講求生活品味既"月光族"，咁呢個應該係你既錯，而唔係社會既錯!

社會從來分等級，安居從來唔容易，唔係都唔會有「安得廣廈千萬間」之歎。我從小就係窮人，出世時住木屋，跟住係公屋，我唔會睇唔起窮人，我而家都只不過係個草根中產。窮人安貧樂道，要比富翁無病呻吟幸福得多，你睇不時有富豪自殺既新聞就知。60、70年代既窮，係指無飯開，就餓死;80年代打後既窮，卻係指買唔起樓，買唔起i phone、電腦。

如果我到今日都買唔到樓，仲係8000蚊人工，我依然會檢討自己有咩做得唔好，繼續努力。如果自己日日係個網罵人"xx"，但寫篇文章又白字連篇、文句不通，咁點叫人俾高薪請自己呢?人貴自知，我知道自己無能力買樓，就唔會買，而唔係怨政府、怨社會唔幫自己。細個既時候見到0的零食貴，買唔起，大人都會教細路儲錢買或者睇下第二度會唔會平0的啦!唔通走去同人嘈，叫人減價咩?不過話時話，而家0的家長又真係會自己自動幫細路俾錢，或者走去話人地，真係好笑!

為咩政府一定要幫我呢?人從來都係要為自己既生活負責架啦!政府真係要幫既，就係發展經濟、創造職位，而唔係派糖!你俾條魚人，不如教人捉魚，而家政府就係成日俾魚人，好多人唔識捉魚，就問政府拎，仲要埋其他野，我睇下點收科!一個乏善足陳既政府，搞到百姓無哂志氣，一味祈求幫助，悲哀!

我會繼續為自己既生活努力，我會繼續儲錢，但今次會儲黎投資，希望有第二、第三間物業，希望各位80後大學生都唔好再自怨自艾，繼續努力，希望你地都好快有自己既物業啦!

睇完我呢篇文，如果想話我"xx"，則可免，我唔會為你一兩句而有咩損傷，但可憐你依舊係一隻無殼蝸牛。如果我篇文能對你有一點啓發，就不枉我打字打到手軟!

[ 本帖最後由 Sumyeema1 於 10-4-13 13:55 編輯 ]
私人傳訊

boobecky


伯爵府

積分: 17328

畀面勳章


2#
發表於 10-4-13 13:46 |只看該作者
我好認同 !!!!
thanks for sharing!!

我同呢位小姐情況差不多
但我並不是大學生, 只係high dip, 但出來工作時, 都有進修, 而家人工都叫滿意!
我買樓時, 亦都按9成, 買新界細樓, 比樓主的更細, 但就好便宜, 都係百鬆d萬, 但對我地2小口來講, 都已經係安樂窩, 我地亦沒有雙方父母協助下, 自己比錢買樓 + 結緍
所以我都認同, 當我身邊朋友在追求生活享受時, 我同老公根本無呢d野, 但佢地仲埋怨, 而家樓市升到咁都買唔到樓...但其實, 係佢地一向無儲蓄, 又買LV又去旅行, 咁又唔通係環境迫成咩 ?
其實, 後生仔女, 初初出來工作都一定要捱, 如果連後生都捱唔到, 指意家人政府幫, 到第日4-5十歲時, 點算 ?
私人傳訊

sasa0208


象牙宮

積分: 247525

2024年龍年勳章 2024勳章 2023年兔年勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 2018母親節勳章 2018父親節勳章 FUN享自然‧郊遊一夏 親子探索遊 玩具勳章 畀面勳章 叻叻勳章 有「營」勳章 趣教勳章 好媽媽勳章 醒目開學勳章 環保接龍勳章 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 BK Milk勳章 hashtag旅遊勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 認識瑞士牛牛第三回 最關心BB問題熱投勳章 美好大世界2017勳章 開心吸收勳章 食得好勳章 瞓得好勳章 HiPP勳章(1) HiPP勳章(2)


3#
發表於 10-4-13 14:01 |只看該作者
我都好認同
私人傳訊

mat媽


子爵府

積分: 10077

好媽媽勳章 醒目開學勳章


4#
發表於 10-4-13 14:10 |只看該作者
thanks.

好認同呀... 如果一個人唔靠自己努力, 一味要求別人為佢做呢樣, 為佢做果樣, 呢個人都冇出色 (不喜勿插)

私人傳訊

sarahcow


伯爵府

積分: 16617


5#
發表於 10-4-13 14:39 |只看該作者
我都係high dip 畢業出黎，比較好彩o既係我一開始份工人工唔太低，一路讀大學一路還grant loan，第二年就還哂d loan 喇，上年年尾同男朋友買左屋仔，200萬左右，比左15%首期，今年交埋最後一期學費就終於甩難喇....
而家份糧雖然都唔高，唔夠供樓，不過打算等畢業之後轉，先一排搵過工我提個高少少o既要求都有人肯請...
仲差等我畢埋業就可以慢慢睇結婚d 野喇
有時同班舊同學食飯，見佢地四圍去係好羨慕，只不過... 睇佢地而家洗錢都仲好似倒水咁，大家又唔係咁願搵份正職，都顯得我有d 格格不入...
私人傳訊

Sumyeema1


象牙宮

積分: 218651

2024年龍年勳章


6#
發表於 10-4-13 14:45 |只看該作者
if you visit misssheepsheep's blog, she also advise people how to SAVE money. i think she is quite right.

[ 本帖最後由 Sumyeema1 於 10-4-13 14:55 編輯 ]
私人傳訊

ume


公爵府

積分: 29804


7#
發表於 10-4-13 15:14 |只看該作者
好同意！我雖然唔係80後，但唔同年代既人都有唔同困難和優勢，只懂自怨自艾的人無法明白。我那個年代﹝70後﹞的人一樣有人响度怨，我地一出來做嘢就遇上97亞洲金融風暴，又科網爆破，又8萬5，又SAR，樓係平，但人工仲平﹝甚至工都無﹞，但我同我老公﹝當時的男朋友﹞，目標清楚，家人生活費一定要付，跟住就係慳慳埋埋比自己一面讀書增值、一面儲錢買樓，這十年我地巳經由一間又舊又細既樓，換咗層住得好好既樓。當年有d朋友仲追名牌、追新科技、去學享受。但到咗十幾年後的今天，他們仍然是無殼蝸牛，為業主打工，呻樓價貴。但我倆公婆巳經有一定既經濟能力去投資，間中去下旅行，或者滿足下自己既虛榮心買個名牌手袋用下。從來未搵錢就學洗的人，都好難有自己既第一桶金的。

加油！一個咁認諗就一定可以過一些富足的生活！

[ 本帖最後由 ume 於 10-4-13 16:00 編輯 ]
私人傳訊

Bman


大宅

積分: 1672

好媽媽勳章 醒目開學勳章


8#
發表於 10-4-13 15:15 |只看該作者
前日出街食飯, 隔離兩個女仔就係典型例子, 坐低時佢地已經響度, 當時講緊買手袋, 都唔係咩名牌, agnes b果d, 話買唔到LV都唔要連agnes b都無個就返工, 之後就講遊戲機, 屋企兩姊弟, xbox, ps3, psp, nds, wii, ipod, netbook樣樣都有, 佢朋友都問佢洗唔洗, 買左ps3都唔洗買xbox啦, 講完一輪轉講旅行, 跟住話要儲一輪錢先有得去喇, 朋友問佢點解, 原來佢話返工做到好辛苦, quit左份工去左一個星期日本再休息左兩個月, 休息夠先搵工, d錢已經用得七七八八! 到講買樓, 一句就話政府, 又話樓價癲, 又呢樣果樣... 佢話好彩父母唔洗佢地負擔, 住公屋係慘d, 惟有等政府做野, 樓價跌先買!

雖然上一代無五六十年代捱得咁慘, 但係為供樓佢地都好陰功, 依家雖然賬面炒貴左d樓, 但係佢地供出去d利息都好甘! 如果隔離枱個姐姐仔早幾年有儲蓄, 再加上投資有道, 依家儲左筆首期, 供樓真係輕鬆到不得了, hibor plan, 200萬樓每個月四千幾蚊, 入面得幾百蚊係利息!! 唔好話上一代啦, 我自己第一層樓贖樓時先發覺畀左好多利息!! 當然啦, 政府可以做得更好, 聽到新加坡組屋我都好羨慕, 但係香港就係香港, 想要響呢度生活就先要改變自己, 如果唔係咪移民新加坡囉!
私人傳訊

Sumyeema1


象牙宮

積分: 218651

2024年龍年勳章


9#
發表於 10-4-13 15:41 |只看該作者
i hope this article will encourage some people to have a more positive attitude.
私人傳訊

Shamuslau


男爵府

積分: 9893


10#
發表於 10-4-13 15:45 |只看該作者
"細個既時候見到0的零食貴，買唔起，大人都會教細路儲錢買或者睇下第二度會唔會平0的啦!唔通走去同人嘈，叫人減價咩?"
Haha, very good point. Why they don't blame the designer brands for selling their product so expensive?
私人傳訊

kk80400


珍珠宮

積分: 30453

虎到金來勳章 BB防敏心得分享勳章 醒目開學勳章 畀面勳章 環保接龍勳章


11#
發表於 10-4-13 15:57 |只看該作者
果個文章寫得非常好

做人一定要向前走
唔好因為失敗....而灰心
只要諗, 仲有好多人同自已一樣都能夠成長
滿足現象......同不停進步
就會有更好明天
私人傳訊

我愛Corina


瑪瑙宮

積分: 134231

2024年龍年勳章 2024勳章 好媽媽勳章 醒目開學勳章 環保接龍勳章


12#
發表於 10-4-13 16:56 |只看該作者
所以話唔係個個80後都係咁呢...

我身邊D人買樓都係SET左target,為個target真係乜都慳架...
私人傳訊

sukiyu515


大宅

積分: 1640

好媽媽勳章


13#
發表於 10-4-13 17:10 |只看該作者
恭喜你 你好叻~我都係80後......but已經係ma ma啦~
私人傳訊

VKwan


珍珠宮

積分: 38391


14#
發表於 10-4-13 17:38 |只看該作者
我當年出來同呢位小姐處境差唔多，但今日已擁有四間物業。查實個戰略都係一路做一路儲

[ 本帖最後由 VKwan 於 10-4-13 17:39 編輯 ]
私人傳訊

wonwhy


大宅

積分: 4229

好媽媽勳章


15#
發表於 10-4-13 17:51 |只看該作者
我都係80後..層樓重有11年要供..
私人傳訊

sarahcow


伯爵府

積分: 16617


16#
發表於 10-4-13 17:56 |只看該作者
我都係80後... 所以有時見到d 朋友個個都仲停留緊搵時薪part-time 階段... 有時真係唔知講乜好...
私人傳訊

Rita


水晶宮

積分: 61912

2024年龍年勳章


17#
發表於 10-4-13 17:58 |只看該作者
200% agreed and support !!!!




原帖由 Sumyeema1 於 10-4-13 13:31 發表
係經濟日報睇到既文章, 講得真係好0岩

http://hk.myblog.yahoo.com/misssheep-sheep/article?mid=4

以下係一篇我係討論區發表的文章:
80後買樓
一直以黎,我係discuss都係「塘邊鶴」，好少發post.但呢排睇到唔少人講 ...
從天空到大地, 心臟在持續著令人眩暈的擺動, 那是初戀
私人傳訊

JChan


水晶宮

積分: 67834

醒目開學勳章 BK Milk勳章


18#
發表於 10-4-13 18:05 |只看該作者
Thanks for sharing.
私人傳訊

麥兜媽


珍珠宮

積分: 30744

2018復活節勳章 叻叻勳章 好媽媽勳章 畀面勳章 環保接龍勳章 睛靈勳章


19#
發表於 10-4-13 18:10 |只看該作者
我同老公拍拖時供樓 食個過桥米缐+底(2個人食) 名牌一個都無 都唔恨
私人傳訊

amchk


伯爵府

積分: 15661

畀面勳章


20#
發表於 10-4-13 18:22 |只看該作者
我係70後, 當時好早就結左婚, 個個同學都未結婚. 我地就係98年買左間百幾萬既單橦樓. 當時我只係得$11,000人工. 雖然老爺奶奶叫做有啲錢, 住大屋苑, 但係我地一蚊都唔要佢地幫, 結婚買樓全部都係我兩辛苦儲既.

我地好慳, 冇名牌, 在朋友中顯得格格不入. 而當時朋友有點兒覺得我地買5百幾呎既單橦樓好cheap好低級. (今時今日, 朋友們個個三十幾歲要結婚了, 就嘆氣樓價貴買唔起).

至於我地, 因98年樓價唔貴(市區樓呎價唔洗三千), 而且仍努力工作進修, 幾年前換左而家層幾好既樓, 今天樓價賬面已升值二百幾萬, 我已經好滿足了.

所以, 我地算係先苦後甜的一群. 希望70後, 80後, 至90後, 唔好再怨聲載道.
東方曼哈頓  : Iherb 用戶首次優惠 5 美元 code GQF455

私人傳訊


首頁
1234

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見