做咗媽媽後，日子過得特別快，眨吓眼我嘅大女已經三歲半，而細女都七個月大喇！諗返起當初鼓起勇氣決定追多個嘅時候，仲好似琴日發生嘅事。今次懷孕對比上一次事隔三年，不得不承認自己年紀大咗，無論佗B或湊B都比以前吃力。正所謂經一事長一智，今次準備功夫做足，亦掌握到點樣避重就輕，有驚無險，細女出世到而家都食得瞓得，仲好青靚白淨珠圓玉潤添！我嘅身體亦得以調理好，回復足夠嘅體力俾我一邊照顧家庭、一邊繼續投入工作。
每個媽媽都希望自己嘅BB健健康康、聰明伶俐，聽落好似好簡單，但魔鬼在細節。我今次就同大家分享一下我喺想生BB/大肚初期、大肚中後期、同生B後保養/餵奶，呢三個重要階段嘅小小心得。
第一階段：想生BB/大肚初期
生完大女之後的確元氣大傷，最明顯係留意到個人好快攰、髪質同皮膚都差咗。趁住大女開始讀幼兒班，我決定要調理好自己嘅身子，因為想追多個BB，希望小朋友能夠健康成長就一定要及早預備。休息同放鬆心情好重要，但當時我嘅童裝店又剛剛開張，每日嘅時間表點樣安排就係關鍵，所以朝早送完大女返學之後，我大多會去做瑜伽，伸展筋骨兼排毒養神，有益身心。
多得好友提醒，我早早喺佗大女之前嘅6個月已經食定葉酸，所以懷孕初期嘅孕吐都比較少。不過之後先發現原來除咗葉酸，孕婦最好要加多一粒維他命、鐡、omega 3 油、鈣片等等。。。天啊～回想起我當時一日要吞好幾粒補充丸，都真係幾麻煩。
今胎就學精咗，由計劃生小朋友開始，我每朝都會飲一杯和暖檸檬水加一粒愛樂維準媽媽配方，直至到懷孕12週。由名藥廠Bayer推出嘅孕婦補充丸愛樂維，採用嘅葉酸同出面唔同，係可以令身體直接吸收嘅親和葉酸。而且一粒藥丸已經包括孕媽媽所需要嘅各種關鍵營養，唔使好似以前咁一日吞好幾粒補充丸，非常方便，孕婦必備！
第二階段：大肚中後期
喺飲食方面，今胎特別鐘意食牡丹菜（Kale），佢含豐富葉酸、鐵質、鈣質、纖維，係superfood之星。另外，牛油果、藍莓、番薯、雞蛋都係好味又有益嘅食物。生冷野等我都會避開，零食如朱古力、蛋糕等極邪惡嘅食物我就盡量少吃。要知道就算有食補充丸，做媽媽嘅都要自律，食多啲新鮮蔬果等有營養嘅食物，有助BB嘅頭腦、器官發展。至於補充丸，當然係要繼續堅持食，因為佗B嘅三個階段身體所需要嘅營養都好唔同，懷孕13週開始係BB急速成長嘅階段，所以我就轉食愛樂維孕媽媽配方，一粒就有齊DHA、親和葉酸、礦物質同多種維他命，有助BB健康發育。
佗 B時會經常覺得肚餓，我上一胎就成日俾醫生話我食得太多野，結果用咗兩年時間先減返之前未生嘅磅數。希望做到肥B唔肥媽嘅效果，我就嘗試控制自己少食多餐同多飲湯水，因為飲湯水除咗能滋養身心外 ，仲可以增加飽肚感。另外，媽媽需要多飲水，但我唔太鍾意飲白開水，所以就加入紅米同白米沖水飲。大家要留意嘅，係孕婦千祈唔好進食薏米同木瓜，因為呢兩種食療同樣有收縮子宮嘅功效。
第三階段：生B後保養/餵奶
BB出世後，媽媽最關注嘅一定係餵奶。母乳比較易吸收，而且獨有嘅抗體可以加強BB嘅抵抗力，預防勝於治療。汲取上一胎嘅經驗，今次餵母乳就更加有效率。首先係要俾身體訊息：BB有需要，刺激乳腺製造更多母乳。BB出世後嘅第二日，我就開始埋身餵，要知道剛剛開始時媽媽未必即刻製造到初乳，但只要堅持嘗試多幾次，媽媽製奶工場就會慢慢運作起來。另外值得一試嘅，係喺埋身餵過後再用泵奶器泵15-20分鐘，呢個動作就係發信號俾身體知，BB好肚餓，需要多啲母乳。
好多時BB出咗世之後，媽媽都忽略咗自己嘅產後護理，我上一胎亦係因為太緊張而導致壓力大，睡眠不足，亦影響咗身體製造母乳，吃力不討好。其實媽媽需要有足夠嘅休息先能製造更多母乳，我今次留意到原來自己嘅身體喺朝早生產母乳量較多，所以就係時間嘅分配落手：盡量拉長晚上睡眠時間（由12點泵完最後一餐之後就睡到朝早8點）。
不得不一提嘅係坐月進補嘅問題，大家大概都應該知道媽媽頭一個月唔太適宜大補，但到第二月呢？我上胎坐月嘅第二個月開始，陪月阿姨就每日煮一隻雞俾我食，結果當然就係我變咗隻肥雞。要知道人若果進食嘅份量太多，其實會增加脾胃嘅負擔，所以最好嘅方法其實係多飲湯水。唔想食大個胃又怕營養不足，咁當然一定要記得每日食一粒補充丸，由BB出世開始，我每日都會食一粒配方專為母乳媽媽而設嘅愛樂維產後媽媽配方，為我補充營養，亦有助為BB提供營養豐富嘅母乳。我今次由計劃佗B到產後護理都堅持一日一粒愛樂維，佢３大配方為我提供每個階段專屬營養，照顧我同BB的健康，我推薦給大家！
了解更多：https://www.elevit.com.hk/
此文章由拜耳醫療保健有限公司全力支持
