昕昕依家兩歲啦！相信今年應該係昕昕自出娘胎以來第一個最多人慶祝而又可以四圍走的生日，上年因為撞正年初三，只係留在家中切蛋糕，今年昕昕識得自己食和講「蛋糕」，所以我買咗三個蛋糕，加埋同年月日BB生日Party，總共食咗四次生日蛋糕！
首先係1月25日舉行的同年月日BB生日會。 在2月1日的早上有了昕昕返我位於母校的兒童崇拜，我跟負責的導師說我帶了蛋糕，所以茶點時間做了簡單的生日會，昕昕第一次在我母校慶祝生日，感到真係好特別。
同日下午我在家中舉行小型生日會。比較幸運係找到居住附近的小朋友出席，大家在客廳玩和吃蛋糕，而飯廳就佈置和拍照用。
昕昕爸爸終於出現啦！
多謝朋友送來的禮物。 個Hello Kitty的魔天輪係次前買聖誕節食的Melody蛋糕時遇上推廣而免費獲贈，好開心有朋友見到就問我借來用，將快樂和環保繼續推出去。
到了昕昕生日正日，午餐後就帶了昕昕去迪士尼樂園，首先係去拎生日襟章，大家記住在生日當日去到美國小鎮大街市鎮會堂的賓客服務中心就可以拎，年年不同，好開心唔夠三歲的BB都有得拎，昕昕帶咗襟章就可以四圍拎貼紙，仲有人跟佢講生日快樂。
去完小小世界之後我們就去影卡通人物，昕昕好喜歡米妮，相信昕昕已經被我經常有入樂園而愛上這裡的卡通人物。
高飛已經穿上新年服裝啦。
布魯圖都迎接昕昕一起拍照。
在離開前才發現《魔雪奇緣》主角會面仍然有，聽說可能因為太受歡迎，所以暫時未公佈何時結束，大家有興趣就記得早上十點到城堡旁邊拎見面的籌啦！
最後就係跟約好的同年月日出世的BB在大門口影合照留念。
其中一位BB去迪士尼樂園前在其他地方拍攝生日家庭照，帶了氣球跟昕昕分享。
相信昕昕係最喜歡笑的BB，因為她好享受有朋友一起的時間。
最後我們返回元朗的彩晶軒跟四大長老（昕昕爺爺、嫲嫲、公公、婆婆）還有叔叔、姨姨等人，我們吃了豐富的晚餐。
對我來說孩子的生日係好重要，特別係頭十幾年，因為小朋友需要家人在身邊陪伴，感謝昕昕的叔叔和姨姨特登在工作時間作出調動才能出席晚餐活動！
