我哋每一日在生活上都會作出大大小小嘅選擇,有啲選擇可能無關痛癢,但係有啲選擇可能會對日後嘅生活有深遠嘅影響。
我哋問啲小朋友如果佢手上只得$100 ,但係你喺玩具店見到心愛嘅玩具要成$150,咁你會選擇點做呢?
A. 叫父母贊助$50
B. 先問朋友借$50,之後再還翻俾佢
C. 選擇購買較平嘅玩具
D. 繼續儲錢,直至夠錢先買心愛嘅玩具
E. ⋯⋯自由作答
你估啲小朋友會點答?
登登燈凳!原來大部份嘅小朋友會揀C,而小部份會選擇D,其實都反映佢地清楚明白要喺有限資源下達成目標,就必須作出妥協,學會等待。特別係關於理財嘅選擇、決定,必須自小學習作出適當選擇。當然,每個選擇都有其利弊,無絕對啱或者錯,重點反而係要同時承擔作出選擇後嘅結果,從錯誤中學習。