龔老師你好，我係全職媽媽，現年35歲，有一小朋友，丈夫收入穩定，每月家用$20,000，扣除基本洗費可儲$15,000，另有$60萬現金，樓已供斷。
現有大約$28萬股票，全部因為跌太多一直守住，諗住等佢上返先賣：
包括178@$7買入10,000股；
388@$280買入1,000股;
315放淨3000股(@$14)
1) 想將依家d儲蓄買一些優質股及高增長股去增值，目標係5年$500萬、8年$800萬，應買邊d股票呢？可點分配？
2) 我見你多數建議買入2800、66、175，我自己另外亦心儀345、939，可否俾d意見？好耐以前$10左右買過，想問345合理價大概係幾多？
3) 388可以再加嗎？咩價先係合理？
4) 我見一般你建議供股，但我想自己定時一手手買入，可以做到同樣效果嗎？
更多文章：理財個案––中年人行錯棋求翻身！
個案重點：
‧35歲
‧全職媽媽
‧擁物業，現金$60萬
重點目標：
‧5年後累積$500萬
‧8年後累積$800萬
‧優化股票組合
龔成老師分析：
其實你持有的股票本身有質素，但往往處過熱的時候買入，在貴水平，往後要小心買入時機及企業估值。
1）這是一個較進取的目標，你要再提高儲蓄水平，同時投資較為增長力強的類別股票先得，即是潛力股一類，例如比亞迪（1211）、中生製藥（1177）、福壽園（1448）等。
而更重要的，你要由選股、企業估值、投資策略、買賣時機的能力，這可以幫到你財富長遠有較大的增值，同時，投資潛力股有風險，你先有這些知識才投資會較好。
但坦白講，以現時每月的儲蓄金額，要8年累積到$800萬，比較困難。如果為了追求太高的回報，而要無對過高風險，就不值得。因此，反而建議你調低目標金額，或拉長時間。
2）維他奶國際（0345）是我很喜歡的股票，數年前亦在《50優質潛力股》中推介過，這股近年倍計上升，已經不平，因此已較少推介。
這股現時仍有質素，但這刻不平，最好等跌1、2成，才開始分注投資。
建行（0939）有質素的，現價亦合理，但這股增長力不強，你可以當佢係收息股。
3）$220以上都是略貴的水平，$220以下，可以分注投資。分注加碼可以，但不要佔你組合過多。
4）只要你自己以一手手入時，都做到分注的效果就得，因為分注的好處是分開多個買入價，能避免一次過高位買入的風險。
