In媽一家三口都好鍾意澳洲嘅陽光與海灘，緣於In媽未結婚前，曾經去過半年澳洲Working Holiday~ 當時幾乎玩晒各大、小城市，包括Gold Coast, Brisbane, Canberra, Sydney, Melbourne, Alice Spring, Cairns, Perth...(其實係holiday多過working)，從此當咗澳洲係第二個家鄉！結婚後Honey moon之旅，係Tasmania露營車環島遊；仔仔第一個外國之旅，亦係西澳露營車遊！因為愛，所以一有機會就去啊！
更多文章：【幾個移民媽】 嚮往澳洲大自然 港媽為仔女儲錢移民
但因為疫情，我哋同好多香港人一樣，差唔多一年無去過旅行！即使Staycation，但根本唔係去旅行嘅感覺，而且費用都唔平，精打細算又要儲錢移民嘅In媽，梗係唔會嘥呢啲錢啦！
香港有個好好嘅地方，就係我哋有3/4土地係郊野公園，經常見到朋友去行山、跑山，例如千島湖清景台、大棠紅葉、大東山芒草等，其實風景一啲都唔比外國輸蝕，當然人流多到，係扣晒分嘅……
更多文章：【幾個移民媽】飛英生活體驗日記 第三章：離開家園的傷感
而Inin一向鍾意大海，雖然已經十一月，但日間天氣有時仲好熱，為咗捉住夏天的尾巴同遠離市區，In媽一家就晨早出發，朝早9點喺馬料水碼頭，坐上去東平洲嘅船，船程足足1個半鐘，回來即係3個鐘，但當去到見到啲海水清到，好似去咗澳洲咁，一切都係值得架！(當然，少啲人會更好……) 而Inin就開心到，一見水就即刻跳落去，玩到唔捨得走。
更多文章：【幾個移民媽】移民不只為子女 大人其實都可以找自己
Inin，媽咪會繼續努力，希望有一日你能夠喺外國讀書同生活，咁到時就日日都可以同陽光與海灘玩遊戲啦！
