2020-11-02

4.2K

【幾個移民媽】澳洲保險保障大不同!連私家醫院生BB都包埋?

澳洲生活知多少?其實澳洲生活雖然無香港咁多姿多彩,但係都唔講得話好悶,我哋啲商場都好多樣化,今日就講下food court,基本上可以話係應有盡有,連香港依家好流行嘅bubble tea我哋都有!大概都係$4、$5(約港幣$21至$27)一杯,味道其實同香港都好似,以後大家唔好話好掛住香港啲嘢食啦…

更多文章: 嚮往澳洲大自然 港媽為仔女儲錢移民

人人都想小朋友接受好嘅教育,今日未講澳洲讀書嘅嘢,但係就同大家分享一下,喺澳洲讀書有一樣嘢好出名,就係假期多,咁多假期有咩攪,除咗唔同大學會攪啲 holiday sport programe之外,一般家長都會趁假期帶小朋友周圍去!距離西澳柏斯2個鐘頭左右會去到龍蝦廠,除咗有day tour參觀龍蝦廠之外,大家仲可以品嚐美味龍蝦,$39(約港幣$214)一份真係好抵食!

更多文章:海量移民資訊湧入腦 移民媽:「怕做錯決定!」

剛剛過來澳洲嘅時候,時不時都會用港幣對下呢邊啲嘢好似貴過香港,但係呢幾年發覺香港物價越來越高,有時澳洲嘅嘢可能仲平,好似配眼鏡咁,以前返親香港都一定會配,因為呢邊啲鏡片仲貴過眼鏡!

但係之後發覺原來我哋每年買嘅保險係可以配眼鏡,所以計返其實差唔多,而且每2年政府都可以免費驗下眼,記得上次返香港驗眼都要過千,所以咪話呢邊咩都貴,其實相比起香港我哋都有平嘢。

更多文章:飛英生活體驗日記 第二章:沒有「容易」的路

香港人買保險好講需要,唔同嘅人壽、醫療危疾,有好多唔同嘅保險畀我哋選擇,但係喺澳洲,本地嘅醫療已經有好好嘅保障,所以未必每個人都會買保險;但係我個人認為澳洲保險其實好好,因為佢保嘅嘢,唔一定等到病、等到死,或者入醫院先有得賠,因為呢邊就算係叫救護車都係自費,如果大家無買保險,call一次要$900(約港幣$4500或以上)......而且除咗住院外,你可以用保險嚟配眼鏡、睇物理治療、洗牙、按摩等等,而我買嗰款仲係可以住私家醫院生bb....你話係咪好正呢!

香港行街梗係開心啦,澳洲呢2年啲舖頭都緊貼香港。香港有$12店,我哋呢2年都開始有$2.8-$3.3(約港幣$15左右)店,入面賣嘅同香港、日本都好接近,其實仲越來越多呢類型舖,而且仲相當方便,以後大家返香港都唔洗抬個香港返嚟啦!

【編按:以上內容為作者之個人意見及立場】

相關文章

富通保險宣佈成立策略合作夥伴聯盟 強強聯手為客戶創造保險以外的價值

【精明父母】健康e-步通 守護您及摰愛家人

【跟住小編做媽咪】仔女係破壞王點算好?搗亂整爛嘢要賠錢?育兒心得分享!

擔心醫療費用以致延誤治療?「健診易」門診及牙科保障計劃守護你和家人的健康

緊貼新冠肺炎最新相關資訊