從細細個就成日聽阿媽話冬大過年，雖然唔知點解，亦諗唔到有咩理由要去考究問點解，總而言之就知道冬至對於傳統中國人嚟講確係好重要，既然咁重要，就梗係留畀最親愛嘅屋企人啦！但原來呢支歌仔只係做囡嗰陣先唱得出，皆因從你變成人哋新抱嗰刻開始，你就擁有兩班，甚至更多嘅「最親愛嘅屋企人」！
討論區熱話：夠膽在老公面前數99？
你唔明我講緊乜？可能係你仲未曾設身處地面對緊呢個問題，中國人一年365日有N咁多個節日需要出動全家總動員，但其實一個人一日就只有24小時，下下都話做正日，邊度得嚟咁多個分身？對於做節同外家撞日子呢個問題，一眾JM都有層出不窮嘅做法同估你唔到嘅經歷 ！
「 一個早場一個晚場囉！」
「試過, 最後2家一齊食XD」
「我覺得無理由次次也必定讓男家，那即是沒尊重女家嗎？尊重是互相的！」
若然能夠有屋企人，甚至係奶奶體諒，肯讓路改期就固之然好啦，但事實上，唔係人人都咁好彩，特別係初歸新抱，第一年踏入人哋家門，就話要分開做節各自找阿娘，好似點都有啲講唔過去，唔通真係要去轉日本學個分身術？
討論區熱話：冬大過年！同外家撞晒日子做節點算好？
不過講到呢啲咁極端嘅狀況，其實又唔係話太常見嘅，即使遇到野蠻奶奶要難為個新抱，都要有個無理阿媽配合，始終係自己阿媽，無理由要個女往後日子唔好過嘅，就算要嬲，都係嬲幾日咖啫！
那邊廂，你以為一日跑幾場就可以解決到做節難題？少年你還是太年輕，講到做冬嘅終極挑戰，真係唔係人人拆得掂！因為原來世界上有嘢比野蠻奶奶更吊詭，呢位就係嘅煩厭奶奶！
討論區熱話：夠膽在老公面前數99？
老老實實，雖然他條媽媽平日他條開，但有時都總有事唔願意面對，其中一項就係做起節上嚟要對住一眾姨媽姑姐，戴起面具真係周身唔自在，若然仲要加個煩厭奶奶，確係挑戰人類EQ極限！好似阿隔離張師奶個奶奶，次次出去食飯都好似烏蠅錄音機咁：「你夾咗餸未？」、「你夾咗餸畀個仔未？」、「阿仔叫人未？」、「食咗麵未？」、「食咗魚未？」、「食咗雞未？」（下刪三百字）......
呢一刻，若然係我，就真係要爆喇！有咩辨法返到屋企唔同C6呻呀？諗起之前有JM就講到有無人夠膽喺老公面前數落奶奶？
「通常係我老公呻佢媽煩，我幫口話99唔算難湊！」
「Why not？只要係事實怕咩講？」
「其實有沒有想過， 做人亞媽的，點解咁令人討厭？」
其實人與人之間，都係講求互相尊重嘅啫，如果阿奶奶煩成咁，我諗隔離件C6從小都受唔少，要呻兩句的話，相信佢都應該歡迎之至，仲隨時同你一唱一和添！之但係講到尾，嗰個點都係人哋阿媽，有時見好就收喇，偶意講下係無傷大雅嘅，最重要係千祈唔好比壓力C6，要佢解決呢樣、解決嗰樣，講真阿媽就得一個，你又教我如何解決呢？
討論區熱話：冬大過年！同外家撞晒日子做節點算好？
